قبيلة بني رشيد - جـارح الـروح

السلام عليكم ورحمة الله وبركاته
أسعد الله أوقاتكم بكل خير
وكل عام وأنتم بخير وعيدكم مبارك
أضع هذه القصيدة المتواضعة بين أيديكم للتواصل

تهل عيني ولا أدري ويش طاريها

مدري من الوقت ولا كثرت احزاني

كل يوم وانا اقول الله يسويها

ولا راح همي يجيني واحدن ثاني

واسج عن هذي الدنيا وما فيها
ويطري علي الغياب وحبً اشقاني
وين انت يا جارح الروح ومداويها
يا درب عمري ويا حلمي و عنواني
ياللي بنظرة هموم الوقت تمحيها
من بعد ما رحت وانا بعدك اعاني
اسلي النفس لين الله يسليها
في شوفتك يا بعد حالي و وجداني
اشتقت لك يا غلا روحي و مغليها
واشتاق فيك القصيد وعذب الالحاني
مقومات القصيده عند راعيها
الفكره و القافيه مع ضبط الاوزاني
وأنا القصيده ليا من جيت اسريها
مقوماتي الشفاه و خدر الاعياني
من بعدها تطلع الفكره و اعنيها
ابيها ترضي غرورً لعثم لساني
والدمعه اللي بعيني الله يحييها
مدري تبي ضحكتك ولا تبي أحزاني

وسلمتوا