مرحبا يا نفحـت الريحـان والعطـر الزكيـه=ياكريم الذوق يا غاية هوى النفـس ورضاهـا
يا مقـام العـز يـا نـور المحبـة والتحيـة=يا بعد ناس(ن)ما تدري وش زعلها من رضاها
حضنا عالي وخطوتنـا مـع الطيـب جريـة=والكريم ليـا فعلـت بـه الجمايـل مانساهـا
لا تحاسبني على اسباب الظـروف السرمديـة=انت اخذ مني ضمايا الروح ولا اقطع ضماهـا
لو فهقت الصبح يا ليل الدجـا يصبـر شويـه=لين ترتاح النفـوس اللـي حداهـا ماحداهـا
ودي اجلس مع صديق الصدق باخلاص(ن)ونية=الرجال اهل السـدود بعيـد مايلحـق مداهـا
ولا تبشـر بالعطيـة ليـن نطلبـك الحـذيـة=الشدايد كـل هقـوات النشامـة مـن وراهـا
كـل طيـب حاسبيـن لروحتـه ولا مجـيـة=عندنا يسوى البحور السبـع ودررهـا وماهـا
رحت ادورلي على راعي وانـا مالـي رعيـة=واعنا بعض النفوس اللي تعـذب فـي هناهـا
اختـلاف الـراي مايزعلـك ياالطيـب عليـه=واختلاف الذوق ما يجرح صفاها من صفاهـا
وكان يزعلك الوفاء والطيب لا ترضـى عليـه=والقصيد احساس والدنيا وراها اللـي وراهـا
والختـام بريـح عـود ازرق وبريـة نقيـة=النوايا الصادقة مـا خـاب بالطيـب رجاهـا

صح لسانك يا نواف وبيض الله وجهك




قصيدة محبوكة فيها

من موارد الشعر ما يروي ذائقة كل متذوق



ولا هو غريب عليك الابداع

تقبل مروري

اقتباس من مشاركة عيد الداموك (المشاركة 1951181) صح اللسانكـــــــــ ." ." وبيض الله وجهك

صح الله بدنك

وبيض الله وجهك

اقتباس من مشاركة عقيد عبس (المشاركة 1951263) صح لسانك يا نواف وبيض الله وجهك قصيدة محبوكة فيها من موارد الشعر ما يروي ذائقة كل متذوق ولا هو غريب عليك الابداع تقبل مروري

صح الله بدنك

وبيض الله وجهك

اقتباس من مشاركة البيطار (المشاركة 1951510) صح السانك يامبدع

صح الله بدنك

وبيض الله وجهك