(( سقا الله زمان ٍ زال بالذاكره ما زال))=ليا من ذكره القلب أخلج وردد آه
على واحد ٍ لا فل شعره يغار الشال=له اليوم رابع عام مقفي ويا ويلاه
تقطع مراسيله ووصله وهجره طال=دخيلك أمانه يا زمن وينها دنياه
أشوفه ولا طوله مثل غيمة ٍ تنخال=حفا سبت رجلي ماشكت كيف أنا بلقاه
يطريه إلى بالي ولا مل من البال=حزين ٍ عليه القلب عايش على ذكراه
عساها سعيدت حظ ذا اليوم وأم عيال=وتبقى سعيدت عمر من أوله لتلاه
إلي حالة ٍ تشكى وهي ما تسر الحال=يضيق الصدر لجتاحه الحزن يا فرقاه
أشوفه بحلم الليل لا مر تقل أضلال=عسا حيّ يا ربي مهو ميت يا ويلاه