قبيلة بني رشيد - فــكــر وتـــب

عجبتني قافية القصيده والقصيده نفسها
قلنا ننقلها لكم لعلكم تستمتعووون .

يا معدي السبعين دعواك هي هي

ياليت لو خليت بعض المماشي
.
فكّر وتب عن شي وارتاح من شي
واعمل بشي وشي ما عشت ماشي
.
إذا دعاك مسوّل المعصيه عيّ
انحاش عن مشروع ناس اغشاشي
.
ما دمت حيّ اعمل ولا تعمل بسيّ
تنال في تال الحياة انتعاشي
.
من صارت اسنينه ثمانين وشويّ
قرّب لوقت الخترشه والرّعاشي
.
إمّا احتمى عن حامي الشمس في فيّ
وإلا تشمّس والضماير اعطاشي
.
المسعد اللي ما تبلوى ولا بليّ
ماضي حياته ما تلاشى بلاشي
.
يمشي على المشروع لازيغ لاغيّ
لا غش لا بخشيش لله خاشي
.
واعود للمنقود في غيري وفيّ
ليّه مع العاقل محاور نقاشي
.
أنا استمع نقده وهو يستمع ليّ
ما بيني وبينه وشاويش واشي
.
البلشه اللي يبلعون اللحم نيّ
يلقون بابرار البريه اعراشي
.
يخمّون هذا وذاك مع هذي وذيّ
واحد يخدشونه والآخر نواشي
.
يأتون باللي ما أتاهم ولا أوتيّ
رشاش رشّ يرش من غير ناشي
.
..
.

جعيثن عيادة القبع