أحبتي في الله تصافح شموخكم
وعزّة انفوسكم وتعتلي لذائقتكم الشعرية
هذه المتواضعة بعنوان([glint]الله فوق العرش والخلق تحته[/glint])
ارجو ان تنول على جزء من اعجابكم ورضاكم
تحياتي لكم جميعاً..

[poem=font="simplified arabic,7,black,bold,normal" bkcolor="transparent" bkimage="" border="groove,4,deeppink" type=1 line=0 align=center use=ex num="0,black""]

الله خلقني فوق فـي قمـة طويـق=رقيـت للعالـي وبابـه فتحـتـه
المجد دونه ينشـف الـدم والريـق=صعبٍ وانا من قو عزمـي ربحتـه
المجد ماياتيك مـن غيـر تحقيـق=يالفاهم أفهم درسي اللـي شرحتـه
العلم بحـرٍ واسـعٍ مابـه الضيـق=والياتعلمـت السباحـه سبحـتـه
بالصبرتفتح لـك ابـوابٍ مغاليـق=وتقطف ثمر بستانك اللـي فلحتـه
لا تمدح إلاّ ارجال.. طيب ومطاليق=يشوش راس الطيب اللـي مدحتـه
حـرٍ تعـلاَّ وأعتـلا للشواهـيـق=يتوق للعالـي بنهضـت اجنحتـه
راع الوفاء والطيب علـمٍ وتوثيـق=اطيـب معـه وبالجزايـل منحتـه
وإلاّ الردي على العسيرات مايويـق=نفسه عن الدروب المراجل إفضحته
ماهو رفيقي من جميـع المخاليـق=وأسمه عن احساسي وفكري مسحته
والحمد للمعبود فـي كـل توفيـق=أرهـب عـدوي باللقـا لا نطحتـه
الله خلقني فوق فـي قمـة طويـق=والله فوق العرش والخلـق تحتـه
[/poem]

اقتباس من مشاركة دلع الرياض (المشاركة 1912581) تسلم صح لسانك ابيات رائعه من جد أستمتعت صح لسانك ولاهنت ... لأ تحرمنا جديدك ’

دلع الرياض
أسعدني مرورج العطر
صح بدنج تحياتي

اقتباس من مشاركة نوماس5 (المشاركة 1913394) ’، ’، ،‘ ،‘ صح لسأأأأأأأأأأأأأأأأأأأأأأأأأأنكــ بيض الله وجهك على القصيده

نوماس5
صح بدنك يالغالي
أسعدني مرورك العطر
الف شكر تقبل خالص التحية

اقتباس من مشاركة البعيد الهادي (المشاركة 1913406) بيض الله وجهك ياشاعرنا المبدع عبد الله دعيع على هذه الفرائد الجزله دائماً مبدع صح الشاانك وتعلا شانك تقبل تحياااتي

الأستاذ الفاضل/ البعيد الهادي
صح بدنك يالغالي وجهك ابيض
والأبداع أنت تتربع على قمته
الف شكر لمرورك العطر
تقبل خالص التحية