نوحي على الدوح يالورقى وبكيني=حتى على أبكاي أدور لي طرف سبه
الي معنيتس يالورقى معنيني=حنا خشرى بالعنى والجرح وش طبه
لكن بعد يوم والاّ ثنين تنسيني=وأنا بصدري سنين النار مشتبه
لكن ِ رفقتس أبيها يوم تكفيني=مامنتس منقود أهل الدمع وأصبه
وأهل الشماته عساهم لشمتو فيني=تشتالهم ريح من هبه ليا الهبه
لو راعي الخرس لد ألهم طرف عيني=ما كان لامو صخيف القلب في حبه

اقتباس من مشاركة ابوصالح لرشيدي (المشاركة 1912419) وأهل الشماته عساهم لشمتو فيني,,,,,,,,,,,,,,,,,,,,,,تشتالهم ريح من هبه ليا الهبه هذا البيت وحده يكفي عن قصيده وصح السانك ياسطح ومافيك حيله وفالك البيرق..

اقتباس من مشاركة محمد عياد البغيلي (المشاركة 1912446) لو راعي الخرس لد إلهم طرف عيني ماكان لامو صخيف القلب في حبه الله الله عليك صح لسانك واعتلى شانك مدد وليس عدد ومشاركة استمعت بقرائتها شطر شطر لإحتوائها على مناجاه للورقى وعتابها على مايحصل وشماتة المتشمتين وتقفيلة زادت القصيدة جمااال تقبل مروووري وخالص شكري وتقديري لشخصكـ

اقتباس من مشاركة كــــاتــــب (المشاركة 1912449) لو راعي الخرس لد ألهم طرف عيني ما كان لامو صخيف القلب في حبـه الله الله عليك ياسطح يامسطح ياخوي اسمك يبهذلني بالكتابه ههههههه بيض الله وجهك ابيات رائعه وانت شاعر جزل صح لسانك