قالو: تحب وقلت : محبوبتي غيـر=محبوبتي.ماهـي مــن آدم. وحــوَّا
يامفسريـن اللغـز مايـريـد تفسـيـر=محبوبتـي بالقـلـب بـالـروح جــوَّا
هي مملكتنا موطـن الديـن والخيـر=الله رفـعـهــا بـالـكـرامـه اعــلـــوَّا
طيبه.. ومكه.. في بلاد المشاهيـر=الـنـور مـنـهـا والـجـمـال يـتــروَّا
للعلـم نـور. وزادت العـلـم تنـويـر=منهـا بـدا الـديـن الحنـيـف وتـقـوَّا
يحبهـا الأنسـان: ويحبـهـا الطـيـر=ويحبّـهـا الـرَّعـاد مــع كـــل نـــوَّا
مـا مثلهـا بالـكـون ورد ونـواويـر=اترابـهـا عنـبـر. ومـسـكٍ مـســوَّا
من راد . آهانتها ترى راسه يطير=بالـسـيـف وإلاَّ بالـمـشـوَّك يــكــوَّا
الحر مايحسب حساب العصافير=والــدّاب لامــن مـــات قـــام يـتـلـوَّا
لامن قطع راسه فلا يروح ويسير=السم مات براس دابٍ تطوّا
تطير في جسمه هبوب الاعاصير=مثل الرماد ان مات عنه الجذوّا
المملكه فوق المزون المزابير=رفرف علمها من قديمٍ وتوّا
من دونها ملـوكٍ تسـوق الطّوابيـر=فيهم على الدين المطهّر حموّا
اخوان نوره السيوف البواتير=الـكـل منـهـم حــر مـاهــوب بـــوَّا
عصم الشوارب والرجال المناعيـر=اهـل الكرم.والطيب.واهـل الـمـروَّا
يالله تحفظهم. مــن الشر.وتجـيـر=وتصونهـا. مـن كـل مـكـرٍ وســوَّا
قلته واعيـد اقـول محبوبتـي غيـر=محبوبتـي ماهـي مـن آدم. وحــوَّا