الحزن كنه جد والعرق دساس
هذا السهر ماورّد لـ عيني نعاس ........................ احس هذا الليل طاغي / بـ طوله / تعبت امشّي مابقالي من الياس ........................ اجر خطواتي / ابيها عجوله \ الحزن خلاني مع ضلوع يبّاس ........................ الــهم باقي / والصــواديف حـوله / الصمت قالوا انه اغلى من الماس ........................ واشوفهم عند الحكي / صفقوله \ ياليل تبقى للمواقيت عساس ........................ لو ماعطاني هالسهر من حلوله / خلت المدينة واتلفت / للاجناس ........................ واقيس هم الشارع اللي مشوله \ رحت اتنشد عن دفا الوقت /جلاس ........................ لقيت سيف الوقت يقرع / طبوله / صمت المدينة /والمباني / والاجراس ........................ واطفال ماعاشوا حياة الطفوله \ ينام هذا الليل بعيون / حراس ........................ ويصحى بعين المقبلات / الخجوله / اصبحت كني شيخ ولّي على ناس ........................ وامسيت كني فاقد(ن) لّي حموله ! \ تخنقني العبرة / وانا اقول لاباس ........................ وارجع بتنهيييده عميقه زعـــوله / الحزن / كنه جد والعرق دساس ........................ والناس / كل الناس هذه عجوله \ والوقت / يرسم هالزوايا بقرطاس ........................ وانا معي قرطاس وازريت اقوله / والشعر / هذا ماعرفته من الناس ........................ جاني مع اول هم ( نوّخ ) ذلوله ! \ كتبت فيه اللي عطاني من احساس ........................ ياما تنــادمنــا / واخذنا البطـــوله / والحر / سموه الاجاويد قرناس ........................ والبــوم / يبقى بوم لــو طبلولــه \ والصبر / قرّب ياصل حدود الافلاس ........................ والشوق/ ياصعبه يجيني ... بسهوله / والموت / يسرق مابقالي من انفاس ........................ ويروح معــه اللي نــــواه / وينولــه \ ازمة مشاعر زايفة مالها ساس ........................ وازمـــة وفــا / والله وازمة رجوله / مابالحزن _ رحمه _ ولافيه نوماس ........................ يقولها اللي عايش (ن) في فصوله \ ياصاحبي / ياصاحبي / صاحب الناس ........................ يمكن تشوف اللي من اول اقوله الشاعر طالب الحربي |
صح الساان شاعرها
وتسسلم ع النقل الذووق . |
صح لسان شاعرها
ومشكور على النقل |
كل الشكر على مروركم العطر ولا هنتوا وتقبلوا ودي
|
هالله هالله
’، ’، صح لسأأأأأأأأأأأأأأأنك اعجبتي مره تقبل مروريhttp://www.shm3h.com/vb/images/smilies/icon30(1).gif |
صح الساان شاعرها وتسسلم ع النقل الذووق . |
صح السان اشاعرها, مشكوووووور والله يعطيك الف عافيه على انقل.....
|
صح السأن شأعرها
وتسلم يمين ناقلها |
الساعة الآن +4: 02:30 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.