قبيلة بني رشيد - مع كل كلمة تعال تطيح دمعة قهر‎

ياكبر قدر الاجابه فـي عيـون السـؤال
وياصغر حجم الاماني في عيـون القـدر

ما للخطاوي على درب المفارق وصـال
وماللمحبه بعـد فرقـاك صيـت وذكـر
شح الفرح , وانت غايب والبقى لليـال
وما للعيون بغيابك ذنـب غيـر السهـر

الحلم مات ودفنته وسـط قبـر الخيـال
والصمت من مات حلمي صار وجهة نظر

هي حزة الضيق تغشاني بوقت الـزوال
فيها الدقيقه تساوي في عيونـي عمـر

ماعاد للصبر في صدري الرحيب أحتمال
ماعاد , وش عاد , اصلاً هو بقابي صدر

ناديت صدر الشمال و رّد صدر الشمـال
ماعاد بي وسع بـال ولابقابـي صبـر

تعـال ياكثـر مـارددت كلمـة تـعـال
مع كل كلمة تعال تطيـح دمعـة قهـر

أنبح صوت المشاعر والصـدى لايـزال
باقي على طاري الذكرى يغيـب ويمـر

ياسبة الجرح ! صمتي طال والليل طـال
تعبت ادور لجرحي مـن فراقـك عـذر