عسى الله يصبرني على غيابك اسبوعين=لو إني على فرقاك ماعاد يمديني
تولعت بك واخذت قلبي وأنا مسكين=لو أشوف حتى دمعة الطير تبكيني
مسا الخير ياعطر الحياة وقرار العين=مسا الخير يانبض الوجود بشراييني
مسا الخير ياصوتٍ صداه بسموعي دين=مسا الخير ياروح القصيد بدواويني
مسا الخير مازينت فيك الزمان الشين=مسا الخير مافكرت بك بيني وبيني
مسا الخير ماسهرت عيوني لعينك لين=غفا الليل واستنحى وأنا ماغفت عيني
عليك المشاعر مستميته ونار البين=تحملت منها بعدك اللي يكفيني
تخبر الظلام اللي تركني قبل عامين=بعد غيبتك ما غيره أحدٍ مخاويني
منول تسلي خاطري ياملاك الزين=وهالحين ماني عارفن من يسليني
ولكن عسى الله يجمع الشمل بين اثنين=لو إن الفراق بنار الأشواق كاويني
ولا في يدي غير انتظر طيلة اسبوعين=..وصبرٍ جميل..وياعسى الله يقويني