إيــلا مـنِّي ذكـرت الطِـيـب والـطـيِّـب ومعــروفه=يـذكـرني خَـيَالي فـي ( عوض مسلِم ) وميقافه
وكـان المــدح فـي مثْلـَهْ يـزين الشعـر وحروفه=أبـكتب للـرشـيدي شــعـر..يعـجبـني بَـدِعْ قــافـه
صحيح إنَّه عوض للطيب..ودم الجود في جوفه=وقـفْ صـفِّي ولاحسَّبْ..وبعـض القـول ماخـافـه
عـجـز قـافي يوفِّي وقفة(ن) بالشـعر ماصـوفـه=وكاد ابن الرشيدي يعجب (الشـيخان) باوصـافه
لـك الفـزعه..علـيك الله..يوم الـلاش..مكـفـوفـه=لقيت اللاش بالفزعات..وقـت الضيق..قد عـافه
لقـيت الطـيب..والفـزعه..والطـولات..مصـفـوفه=بذاتـك يااااااعريـب السـاس..تـاليـها..ومسـلافـه
أبوْصل لك..سلامي عِدْ..سعي الحاجّ..مع طوفه=وعِدْ السـيل..وما يحـوي..مع الشـعبان..مجرافه
ألا ليتك..تزور الدااااار..وتْشـرِّف..بــلا كلــوفـه=زيـاره مـاتعـيق السـير ( عـلى ماقـيل )خــطَّافـه