بديت بذكر ربن عزيز ودومن حي = رفيع السما ربن بنا سبع دون عماد
ومن بعدها بقول عن شاذب المقفي = كثير النمايم راعي الهرج والحساد
ناس(ن) تسود سمعت الناس من لاشي = عسى الله يسود سمعت اللي بلا الجواد
يسولف بعرض الناس والناس ماتدري = وليا قابله قال أنت عنتر ولد شداد
رجال(ن) ليا شفتها بزوالها تمشي = تقول الرجال اللي يوافون بالميعاد
وليا منك عرفته صار ماعاد يسوى شي = ردي الهقاوي مس فوقه بليس شداد
يطلعك في زيٌ(ن) وبكره يسوي زيٌ = وله عاده النمٌه على هرجها معتاد
يفرق جماعات(ن) وياكل لحمهم نيٌ = يسوي مشاكل حاربت عينها المرقاد
نقالة النمُه عسى عرقهم ممحي = مرابي عجايز ياعسى ساسهم ينباد
وأنا بنصح اللي من ربوعي يبا يبديٌ = لايبدي سدوده لواجد الهرج والنقاد
ليا جاك بالجلسه تقول واحد(ن) مفتي = يفتش علوم(ن) ميتات ومنها جداد
خبيث(ن) لبيث(ن) عشرته معك ماتبطي = يسولف بذولا وأنت بكره تصير وساد
وهاذي وصوفه وردعوا كل من يخطي = تصدوا بحزم ورٌدوه الدرك ميَراد
ولو منجامل مالصق بينا الموذي = ماقام يتلزا بينا تقول وصف قراد
وصلاة ربي عد مازال ظل الفي = وعلى محمد عد خلقه بليا عداد