قبيلة بني رشيد - مشاركتي بمسابقة شاعر الموسم والباقي على الله

السلام عليكم ورحمة الله وبركاته

أولا أعرفكم بأسمي الحقيقي ( محمد عياد البغيلي ) وارجوا من الادارة حذف اسمي المستعار وكتابة اسمي الحقيقي..
وثاني شي هذي قصيدة من جديدي وقلت اشارك فيها مع الاخواني والتوفيق عند الله .. ولا تحرموني ارائكم فيها

ياهلابك مرحبابك من خفوق ٍ مهتويكـ
زفها لك قلبي وبساعة مجيٌك قالها
جادل ٍ لاغبتي كن القلب في راحة يديكـ
بنت قوم ٍ بالمراجل ذاع صيت أفعالها
عاشقك إمعذبه في غيبتك شوقه عليكـ
ينتظر جيتك ويعاف البشر وأزوالها
طالبك لاتغيب عني دام خفاقي يبيكـ
دام في وسطه غلاتك ثابت ٍ منزالها
في غيابك والله أني لايمك وأشره عليكـ
عاشقك معذور دام أن شوفتك يسعالها
فز قلبي من ظلوعي بالمواصل ينتخيكـ
(لاتكرر غيبتك) فال الله ولا فالها
لعنبوا اللي لا تباطاك بمجيك مايجيكـ
بغيبتك أوجعت قلبي ونفسي عزي لحالها
أنتي منبع للغنج وأصل الدلع والزين فيكـ
أنتي مهره في تروٌضها عجز خيالها
أعجز بوصفك مدام أن كل شي ٍ محتويكـ
الحظيظ اللي بشرع الله وكتابه نالها
ياوجودي كل ماقفيت ولوحت بيديكـ
وجد الأم العاجزه لمن تبرؤ عيالها

أخوكم / محمد عياد البغيلي