امس الضحى عديت بالشغمومي = اهيض اشجوني وازيد بكائي
ابكي على من زارني بحلومي = خفيف دم وناعسه غنجائي
قلبي فتح له قفله المبهومي = حتى تقوت مهجته بحشائي
سبحان من برد معاه عزومي = وانا على غيره صعيب غوائي
نجمه وتفرق عن جميع نجومي = مثل الثرياء في دجا الضلمائي
ماشفت مثله فالبشر معدومي = حبه ملكني ملك من اقصائي
كمل على حالي وزاد همومي = ورغم الهموم امد له بولائي
قصه ياسامع صعبت المفهومي = صحيح لو قلنا لها طرمائي
جتني بلا وعد وخبر معلومي = دارت وخشت دنيتي تلقائي
وقابلتها بفكرن قوي جزومي = ولقيتها كالمهره الشقرائي
تلعب بقلبي بحتراف وتومي = ويني وين المهره النضوائي
حتى هزمتني ومسكت بلعومي = وستيسرتني كيف وانا افدائي
خلتني اخفي دمعتي بكمومي = اخاف امري ينكشف لعدائي
والله يالسامع يالولا قومي = لرفع على هاك العرب حربائي
لبيع نفسي بيع بالمقسومي = لخذ مرادي في سبي الغردائي
لعل من فعلي يطيب النومي = والفكر مايسرح مع الذكرائي
ياليل لاتكثر على اوهومي = كنك ادور فالدجاء مسرائي
مافيه غيرك عارفن وش قومي = حزين وارثي علتي بحدائي