اليكم جديدي عسى ان يحوز على رضاكم
النص بدون مقدمات .. اليكم

هاذي ثمان سنين هم وكابه = والتاسعه مدري وش اللي وراها
الوقت هذا ماحسبنا حسابه = دنيا عجيبه دايره في رحاها
لا والله الا مرني من جنابه = انزل مكانه من عيونِ تراها
اعلنتها والهم صكيت بابه = عن مجلس(ن) للشين يكثر لغاها
ذاك الولد كنه حفيد الصحابه = بعض العرب متكبره من خطاها
رزحه بمزحه يافصول الدعابه = والكلمه العوجا قليلِ(ن) حلاها
مايذبح الانسان غير القرابه = لولا الحيا والقرب للعن ثواها
ناس (ن) تشوف الناس مثل الذبابه = اللي على النمات ربي بلاها
لاتشتكي ياذيب مثلك ذيابه = لاتقنب الا يوم يظلم سماها
مشيم (ن) رجل (ن) عزيز(ن) جنابه = ومقدر(ن) ربع(ن) كبار(ن) لحاها
اقولها وانهيتها بالكتابه = التاسعة مدري وش اللي ورآها