قبيلة بني رشيد - أول أقول المـوت فينـي ولافيـك

أول أقول المـوت فينـي ولافيـك
واليوم جعل الموت ياخـذ حياتـك

دامك تبيع انسان بالكون شاريـك
موتك ولاتوهـم لغيـري صفاتـك

فيني مشاعر كل ماانساك تطريـك
تلعن وفاهـا يـوم لاقـت رداتـك

وقف دقايق واذكر اللـي يواسيـك
جفف دموعك قبل تاصـل شفاتـك

تذكر تجيني تبكي الظلـم وابكيـك
واشيل جرحك "اجبرتنـي غلاتـك"

وإن غبت عني كل مابـي يناديـك
حطمت حلمي ورحت ألبي امنياتـك

أدري الجمال وسود الأهداب كاسيك
لكن حسافه .. عكس وصفك خفاتك

ياما رجيتك ودمع عينـي يحاكيـك
طاوعت نفسك وكلمتي اليوم جاتك

مابيك انـا بدنيـاي والله مابيـك
رح ياعساك بجرح ينزف شقاتـك

واول أقول الموت فينـي ولافيـك
واليوم فرحي " ينولد في وفاتـك