سلام يامنظم قبيلة بني عبس== ابو معاذ اللي على الطيب ضاري
سلام يافكاك من دخل الحبس== يوم اعلنوا حكمه وقصه اجباري
ابوه ينخا يضرب الصدربالخمس== وامه عليه اتهل وبل العباري
جاكم يبي فزعتك يامبعد الرمس==وصرتم لهم عون وملاذ ومذاري
فكيتم ابنه عقب ماخاطره عمس== تشكر الله ثم ذيب الغداري
وفعولكم تبقى ولاتنطمس طمس== يازبن من صكت عليه الضواري
واليوم جيتك من حمس خافقي حمس==حيثه جرالي في زماني جواري
جيتك بقصدن والتمس عفوكم لمس== تقضيه ياقرم على الطيب ضاري
زبنت بيتك مانبي واهج الشمس== واللي عليه اظلال ماهو بداري
انتم هل العطفه بالموقف الضبس== يوم المنايا فيه بائع وشاري
والدلمسه خليتها لهل الدمس== والخوف مافاد الرخم والحباري
خيرك على ربعك ماهو اليوم والاامس== وماضاع عنك اللي على الوصف ساري
انت الزعيم وتعرف الصوت والهمس==ودليلة لاضعت وسط الصحاري
زعيم قوم وماتبي بالحكي غمس== تعرف مقاييس الهدف بالسواري
وتمت بذكر اللي خلق جن والانس== اللي نكبرله بليل ونهاري
الشاعر/ حامد سعود الحنيفان