قبيلة بني رشيد - ولو فيه للعشـاق شكـر وتقديـر اباخـذه لـو كـان بالحكـم عـدلا

بحفظ شعور الحب عن كل تقصيـر
وارسل بشعري لادعج العين رسـلا
يالايمينـي فـي هواهـا مخاسيـر
لا تعذلون القلب فـي حـب نجـلا
ان كان ماتعطون في هرجكم خيـر
لا تهرجون وخلـو القلـب يسـلا
انا غرامي عن غرام البشـر غيـر
لاقلت احب اصـدق بقـول وفعـلا
واوفي لو الدنيـا بلتنـي بتقصيـر
ماني الوحيـد اللـي بدنيـاه يبـلا
قبلي بشر فالحب صـارو اساطيـر
لاقلت قيس اطرت على الناس ليـلا
ماقول حبي عن محبتهـم اصغيـر
انا غرامـي مـن محبتهـم احـلا
ولو فيه للعشـاق شكـر وتقديـر
اباخـذه لـو كـان بالحكـم عـدلا
مير البليه اضحكـت منـي الغيـر
وشر البليه ماضحـك منـه خبـلا
سافر حبيبـي وابعدتـه المقاديـر
وقلبي وقلبه مـن المقاديـر وجـلا
وان قدر الله ويسر الحـال تيسيـر
نذرت عمري لاريش العين وصـلا
مابي يطول الهرج ومضمونه اقصير
حلفـت لامشيلـه جبـالا وسهـلا
لو ينقضي عمري طريق ومشاويـر
ماهمني لو كنـت ابمشيـه رجـلا
بس المهم اني اشوفه علـى خيـر
وافرح بشوفـه والمواعيـد عجـلا
وان ماحصلي رحت اناجي المسابير
وابكـي زمـان لـم خـل بـخـلا
عليـك ياسيـد البنـات الغناديـر
ياللي وصالك عني الحـزن يجـلا
بعدك جروحـي ماتخـدر بتخديـر
من صعبها ماجابلـي الطـب حـلا
احفظ ودادك وبالمحبه نبي نصيـر
قصة غـرام باخـر الوقـت تتـلا
الشاعر تركي الزلامي