أشوف جوالي وأنا أقرا الرسايل=عل وعسى ترسل رسالة قصيره
صبرت وأنطر لكن الحظ مايل=يالله عسى في تالي الصبر خيره
جربت أنا وياك كل الوسايل=من صدتك دنياي صارت عسيره
ياخي تجمل سو فيني جمايل=أرحم عشير(ن)مايبدل عشيره
الدمع في عيوني سوات الهمايل=رش السحايب من عيوني غزيره
أكبر دليل اغليك والشك زايل=وأنك ملكت بـ حر حبي جزيره
أن كنت مني يامنى الروح شايل=ظلوع قلبي من صدودك كسيره
أعشق غرامك وأسهر الليل قايل=لحول ياقلب(ن)همومه كثيره
عذبت قلبي والغلا فيك هايل=يلي هدب عينك سيوف(ن)شطيره
أشوف جوالي انا أقرا الرسايل=عل وعسى رسل رسالة قصيره