تبقي معي وحـدك بجنـاح طيـرك
صادق أنا من غير شيله ولاصـوت
لا تفكري أحلـف حصانـك وزيـرك
ياحلوهـا وأطفالنـا لـذة الـقـوت
مجحد أنـا فضلـك عليِّـه وخيـرك
الموقف اللـي بالليالـي والخبـوت
بقول شـئ ٍ فيـه عطـر وعبيـرك
أنـت العظيمـه والبقيـه بتابـوت
أنـت إضـاءه بالظـلام أستنيـرك
أنت فرح في دنيتـي شـئ مفلـوت
تعطين دمك قبـل تعطـي حريـرك
هذا الكرم والجود ماينفـع سكـوت
مقبولة ٍ فـي البردعنـدي هجيـرك
نزرع علي صخر الهوى شوكها توت
كل الغلا كل العشـق لـى مسيـرك
أنت أمانه بذمتـي عهـد منحـوت
الأرض خضراء والسبب من غديرك
تسقي اليتامى والأرامـل ومكبـوت
أمي تحذرنـي عـن اللـي يثيـرك
حتي الحلال بليلة ٍ لبسهـا بشـوت
وتقول لا تمَشِّـي زعلهـا بسيـرك
هذي سلايل جبر والطيـب مثبـوت
أطلب من الله يحفظك ثـم يجيـرك
الله يجملنـي معـك قبـل مافـوت
صحيح حرمه بس أنا غصب أميرك
كل الأوامر منك ثبت وأنـا أشـوت
سعد جميل الرشيدي
