يازين اذا مريت عليك وما سلمت=علي لا تعتب حسنك شغل فكري
تراني قبل اجيك كلامي لك ولمت=و خترت لك اجمل حروف علي تطري
جيتك وكلي امل جيت وعليك زهمت=شفتك وتاه حرفي و اخذلني كل شعري
حاولت قد مقدر حاولت و ما تممت=يا زين صعب اوصف جمالك العذري
طلع جمالك غير الصوره ألي رسمت=و مختلف عن كل ابياتي في سطري
حسنك ابد ماشفت مثله ولا تحلمت=حسنك مايوصف علي ما يطري
شفتك وتاه حرفي سكت وما تكلمت=شفتك وما عرفت سري من جهري
سلمت واثريني عليك ما سلمت=اثريني كنت اكلم نفسي وانا مدري
اخذني مني سحرك و مع نفسي همت=يازين لا تعتب و مني اقبل عذري
سلامي لك وحدك خصصت ما عممت=ملكت وحدك كل ما بقى من شعري