سلام مني ياعزيزين الجناب= في قلعة الامجاد يا بعاد النظر
نادو بعيد الشوح يجمع زاتها= والي عقد روس الحبال يحلها
الناس تحكي والصحافه ماتهاب= والعلم ماهو زين لونه بحر
لكن تحيزم للعلوم وهاتها= والي عقد روس الحبال يحلها

يوم انتشى المعنى وجؤ الشعر طـاب=يـامـرحـبـا تـرحـيـبةٍ عز وقدر
حـاضـر بعـيـد الـشـوح فــي حـزاتـهـا= والي عقد روس الحبال يحلها
جبت السؤال وحاضرين اهل الجواب=والعلم بـلإ عـلام قد صيـغ ونـشر
والـبـنـت شـافت وجـهـهـا بمـراتـهـا= والي عقد روس الحبال يحلها

فيك البقاء واول تراها ماتهاب= ومن بعدغاب النجم ماعنها خبر
ومن قبل كل الناس في مخباتها= واللي عقد روس الحبال يحلها
باقي من المجموع مايتم النصاب= وراحت فلول القوم خمسه من عشر
احد ٍيثبتها والاخر شاتها =واللي عقد روس الحبال يحلها

الحرب خدعه والمناحر بالحراب=ولاباقـي الإ وجـه خـلاق البـشـر
والغلطـه الـلـي شالـهـا شماتـهـا= واللي عقد روس الحبال يحلها
لا غاب نجمـاً فيـه نجمـاً مايغـاب=مير البلا من عين انجوم المجـر
ومنهـو يجازيـهـا عـلـى سياتـهـا= واللي عقد روس الحبال يحلها

الامر روح من يدين ابو الشباب= ماعاد فيها لامطير ولامفر
ساعة دخل بالامر من ساداتها= واللي عقد روس الحبال يحلها
اليوم ماباقي ترى بروس الهضاب= من القوم غير اثنين واحد منكسر
وبعض العرب بكره تسوي سواتها= واللي عقد روس الحبال يحلها

انــا هقـيـت الهـقـوه الـلـي مـاتـخـاب=من شـاف نفسـه بالمعـارك مأنتصـر
يستعـطـف المـرهـيـن فـــي مـداتـهـا= واللي عقد روس الحبال يحلها
وبعض العرب كد حملو فوق الركاب=اكـبـر مكاسبـهـم مصايـفـهـم مـصــر
مـاعـاد فـيـهـا غـيــر خـذهــا هـاتـها= واللي عقد روس الحبال يحلها

حتى الصغير صار اله مخلب وناب= عاثت بخلق الله وقامت تدهر
فاتت كبير القوم مدري فاتها =واللي عقد روس الحبال يحلها
بكره لارشحتو لها اصحاب الكباب= ماهي غريبه والدروس الها عبر
لحقت بها الجارات شف صكاتها= واللي عقد روس الحبال يحلها

من يطرد احلامه وهي مثل السراب=يقـال يامـرحـوم مــات امــن القـهـر
هـــذي هـــي الـدنـيـا وذي نكـبـاتـهـا=والـلـي عـقـد روس الحـبـال يحـلـهـا
كـان الديـوك تنـاظـر بطـيـر العـقـاب=خـل الغـراب يخـاوي اعيـال الصقـر
وراع الـمـديـنـه عــارفــاً ميـقـاتـهـا= واللي عقد روس الحبال يحلها

ضاعت اسود الدار في وسط الزهاب= ولحقت بها نسوراً بجنحانٍ خضر
ياشين وقفاةٍ مثل وقفاتها =واللي عقد روس الحبال يحلها
يمكن تشوف الشمس والدنيا ضباب=لكن محال تشوف شي من الظهر
تنعم عروس اليوم في لذاتها=واللي عقد روس الحبال يحلها

من باب لايشره عليك ولاتعـاب=من انت يـوم انـك تقيّـم بالبشـر
انت اكسرو يمناك مـع مثناتهـا= واللي عقد روس الحبال يحلها
سكرت باب ولا أنتبهت لكم باب=والله يبـارك فيـك يادوحـة قـطـر
تكبر مشاريهك علـى غزواتهـا= واللي عقد روس الحبال يحلها