قبيلة بني رشيد - حث الركاب وسرهد بّضمر الخيل ... وافقع وشوتلها ومطرق نحرها

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

حث الركاب وسرهد بّضمر الخيل ... وافقع وشوتلها ومطرق نحرها

السلام عليكم ورحمة الله وبركاته
واسعد الله
صباحاتكم والعشيه

مصافحه

ياليل جوح .. ضيقة القلب ياليل = وهج الهجوس .. وحثها واختصرها
هج الهجوس .. وحاذر النقص والميل = واقرط شفايفها.. ومشط شعرها
حث الركاب .. وسرهد بّضمر الخيل = وافقع وشوتلها .. ومطرق نحرها
عندي تساوت .. حلوها والغرابيل =ولاعدت أميز .. يومها من شهرها
حار الصواب .. ودروخته الفناجيل = ولاينفع .. النفس الرضيه حذرها
ياليل هوّد .. دام اشوف التماثيل = اتضك عينٍ .. قد تزايد سهرها
من لا بغانا .. عقلته للبهاذيل = يبشر بغابرها .. وصافي كدرها
ومن لاهوانا .. جعلهن كنسٍ حيل = تقفي عليه .. بشمسها مع قمرها
والخوه .. اللي ما احتمتها حلاحيل = عل وعسى ربٍ .. عمرها دمرها
والديره .. اللي ما ذروها رجاجيل = لعلها تسني .. ويبطي دهرها
والناقه اللي .. تتقي بالغراميل = عيبٍ على الرجال .. يطلب مهرها
والحين عوّد .. وأزعج القلب ياليل = مليت اقلب .. راسها مع شعرها
على وعسى .. علمٍ قرته المشاكيل = يبيّن علومٍ .. ضميري خبرها

دمتم
بخير وعافيه

لي فترة مادخلت ...!

لكن قرأت هذا النص وأستمتعت كثيراً ..

صح لسانك ..

لله در المبدعين أمثالك ..

لا تلتفت حتى وأن كانت الردود قليلة ..

سر إلى الامام فأنت مبدع .

تحياتي

كلامك
لامس احساسي وضيعني معاه
ليتك قلتها لي بمعرفي الثاني

اتمنى أن
لايكون الامر شخصي

عموماً
لاهنت ودمت يابشيير

شاعرنا العذب ".. خيال الوسمي .."
صح لساانك على هذا الجمال . ,
صح لساانك على هالابداع ., ’
صح لساانك لين ترضى .,
ابدعت في شعرك و ابدعت في حضورك .,
مبدع انت في كل حالاتك .,
مودتـي

شاعرنا العذب ".. خيال الوسمي .."
صح لساانك على هذا الجمال . ,
صح لساانك على هالابداع ., ’
صح لساانك لين ترضى .,
ابدعت في شعرك و ابدعت في حضورك .,
مبدع انت في كل حالاتك .,
مودتـي
.......
....
...
..
.
شكرن جزيلاً
على هالمروور الجميل والرائع
اشكر لكي
جمال مرووك وروعته وجاذبيته
دمتي
بستر وعافيه

عذبه رائعه --جميله انها حقا شعر فقد لامست المشاعر فتجاوبت وهذا وربي الشعر--صح السانك --تقبل مروري وتقديري

صح اللسان ياخيال الوسمي جزله وافيه وفيها
معاني ثمينه معنى الكلمه وفعلا
والخوه .. اللي ما احتمتها حلاحيـل
عل وعسى ربٍ .. عمرهـا دمرهـا
والديره .. اللي ما ذروهـا رجاجيـل
لعلهـا تسنـي .. ويبطـي دهرهـا

عذبه رائعه --جميله انها حقا شعر فقد لامست المشاعر فتجاوبت وهذا وربي الشعر--صح السانك --تقبل مروري وتقديري

أبو عبدالمجيد
شكرن
لكرم مرووورك وروعته
شهادتك وساماً على صدري .. وتزيد من فخري..!