قبيلة بني رشيد - مع السلامه لاتثير المراره .,

مرحبـآ .,
كيف هـآلحـآل ., أتمنىى ألكل بخييير وعآفييه .,
اممم ., رجعت لكم بعد غيـآب .,

بقصيييييييييييدهـ ششدتني ., وحبيت إنكم تتذوقونهـآ معآي .,

تقـووول/

ياطير ماعفتك رداً فيك و قصور.. ولا هو قصور بنقلتي والصقاره
لاشكّ انا في وضع مرغم ومجبور.. اهوم تاره وأغضي العين تاره
لو إن فيك اقلاع والموس مكسور..نعالجك والموس نلقى وساره
ماهي غريبه تصدف طيور وطيور ..بس الغريب منين جتك النزاره
راعيك طايب خاطره وانت معذور .. مع السلامه لاتثير المراره
اكفخ بجنحانك على شقّة النور .. وخذ لك على جوّ الكويت استداره
ماعاد فيه دسوس وسيور ووكور ..اشلع هوى واشرف على كل قاره
وإن جيت لك جوٍّ من الوسم ممطور .. خلّك يمين الجوّ والاّ يساره
بالك تدرّع فيه والوضع مخطور .. والحرّ يفهم مقصدي بالإشاره
خابرك ماتشره على صيد عصفور .. ولاطالعت عينك نثيل الجحاره
و اذكر مثل ماكنت بالخير مذكور .. و اعرف ترى كلٍّن مردّه لداره
ماودّي انك تقعد ايام وشهور .. لو بشّروني فيك ماهي بشاره
ولاني ملّوح لك لو تلف وتدور .. شهودك اربع غير ختم الإماره
يدكّ في صدري من الضيق حاشور .. و يشنّ في راسي ثمانين غاره
المرّ ما يقعد على كبد ممرور .. الاّ ضعيف(ن) ما براسه نماره
والرجل وش هو دون أحاسيس وشعور .. كتلة لحم تمشي على غير إداره
ياليت لعفون المخاليق دكتور .. يكتب على الجمهاة خوّة خساره

وسلآمتكم .,
وصح لسسـآن ششـآعرهـآ .,