سـلام رديـة تقـص اللحـم وتقـص العـظـام=اقولهـا والملعبـه فــي حالـتـن يـرثـى لـهـا
ياناصر صويان قرب عندنا موضوع هـام=نبيك تضبط موجة الارسال حسب ارسالها

تسليمت المسلم ماقصت عظم يانسل الكرام=لاكـــان مـيــز بالـعـلـوم دقـاقـهـا وجـلالـهــا
اضبط هدفها ياوسيع العرف وافهم بالنظام=انا معك صاحِ لهـا وانتـه معـاي اصحـا لهـا

يامرحبا بي عد ماغنى على الغصن الحمـام=يوم ان بعض الناس بالترحيب ينقص مالها
الروس وامريكا يبون الحرب ياراع السـلام=وايـران يقـرع طبلهـا فــوق الجـبـل طبالـهـا

رحـب بنفسـك ثـم عاتبهـا ولحقهـا المـلام=انا ادري إن اللي يسلم في الغباء يشتالها
اديارنا حامينها بالرمح الاجـرد والحسـام=و الـلـي تـجـنـب مـانـدورهـا ولانشقـالـهـا

ياغـازي البـراك علـم صاحـبـك الإحـتـرام=لا يحسبنـا مـن فريـق الشـركـه وعمالـهـا
وش حيلتك بالقمبله ماينفعك طول الحزام=لا جـت نوويـه تشـيـل المنطـقـه وجبالـهـا

ياغازي البراك علم صاحبي معنى الكلام=خـلـه يمـيـز كلمـتـه مـــن بيـنـنـا لاقـالـهـا
الله يطول في عمار اللي يضدون الخصام=والله يخـلـي للـديـار شيوخـهـا ورجـالـهـا

الشـاعـر الـلـي مايمـيـز لا حــلال ولا حــرام=ماهو صحيبن لي مثل صحبته ما نرضى لها
ماقلـت فيهـم شـي ميـر الطـق فكـاك اللـحـام=يالله خفـف ثقـل حملـه فــوق ظـهـر جمالـهـا

حنا درسنا بالليالي وانت في سن الفطام=كلمتـك هـذي ودهـا ياصاحـبـي جهالـهـا
نردهم عن مايبونـه مثـل مانـرد الجهـام=حنا سلاطيـن الرجـال اللـي تعـد افعالهـا

ماخذت درس من المدارس يا بدوي وسط الخيام=شـــداد يـــم الــديــره الــلــي يـعـجـبـك مـنـزالـهـا
بكـره يجيـك العلـم وعيونـك تـبـى تنـسـى المـنـام=والملـعـبـه مـنـتـه بـعــارف عـمـهـا مـــن خـالـهـا

ليـا كبـرت شـوي علمنـاك ياهـذا الغـلام=تحلى لك الدنيا وهي مثلك بعـد تحلالهـا
انته حليفي وانشد الشيبان لاثار العسام=نارد سوى يم العدود اللي طوال حبالها

ماعاد ينفع لو نعلم حضرتك عشرين عام=صدقت ياللي قلت قيس العامريه جـا لهـا
كلمتك هذي نعتبرهـا ياولـد مسـك الختـام=واهل الردى ياصاحبي ما حالنا من حالها