|
نواف العازمي وفيصل الرياحي رحمهم الله
نواف .. مرحبا بلي حضر بنيابه عن حبيب .... من هجوسن كلمت الحق قام وقالها يالرياحي بعد جينا ودرجك النصيب ..العلوم الوافيه في صدور ارجالها فيصل .. والبقابك عدما تشرق الشمس وتغيب ..بالرجال الي لهم روس حالي حالها اجتمعنا والتقينا ولافينا غريب ...... وسعوا ميدانها حددوا منزالها نواف .. بارك الله في رجالن تزيدالطيب طيب ...اذكر الي يجزي الناس حسب اعمالها المنازل عاليه مابهاشكن وريب .... الحبال ان عقدوها يجي حلالها فيصل العلوم الهاهدف والجروح الها طبيب ...والبنوك مقيدن قرشها وريالها شايفن بعض العرب مورحله ريح ذيب ...والذيابه كيف حالك وكيف احوالها نواف .... العلوم الها هدف والنظر ماهوقريب ...ما يميز ليلتا العيد غير هلالها انت تضحك لاكن الذيب في وسط الجليب ...والذيابه يختلف لونها واشكالها فيصل ... ياحليل البندق الي مراميها تصيب ...ربحت من جابها ربحت من جالها اعتبرها لك شهاده ولا فالصدق عيب ...مير خلك عم ليلى وانا رجالها نواف ... انت بدالنبيا ماذكرت الا شعيب ...والبقيه ما لقا حملتن يشتالها يتعب المسلم ويشهد له الرب الرقيب ...وانت خذ مع حسنتك مثلها وامثالها فيصل ... اصلح النيه وتلقابها حظ ونصيب ...دوبنا نسمع بذاعت سبا وارسالها جعل عمرك عمر نوح وعسى راسك يشيب ...مير سير بالجزيره وعدجبالها نواف .... يالرياحي ما يجيد الادب غير الاديب ...والبروق الي تكاشف عليك ارسالها ان حضرنا قرب الحوض واشرب يا شريب ...كلمت الشيبان جت في قلوب اعيالها فيصل ..... مرحبا بالبرق والسيل والوقت الخصيب ...اقنعوا بالعافيه والعبو موالها زانت زهور الخزامى وفاحت ريح طيب ...مير معها نبت ثاني ماهيب الحالها نواف ... انت لولا شبت النار ما قلنا شبيب ...وان حضر شباب يجلس شبيب بجالها كانها صعبه ترى ما على ربك صعيب ...انت قدم دلتا الهيل مع فنجالها فيصل .... كل ما ناديت جساس ناداني كليب ...وانتهت حرب البسوس وعرفت ابطالها ما تزين الزبده الا ليا خض الحليب ...عشت يا نواف بين الرحا واثفالها نواف ... كفت الميزان تخلص طليبن من طليب ...ما يحسب لقمت السم غير اكالها الرياحي بسفل الضلع في بطن الشعيب ...ما درتله سربت القوم لين اومالها فيصل ... العلوم مصلحا وش تودي وش تجيب ...حولتلك فوق راسك قبل ترقالها بكره الجمعه وتسمع ويش يقول الخطيب ...يا لعلك تحفظ الخطبه الي قالها نواف ... لا تجاهد مع يهودن علامته الصليب ...ان لقيت الروس مالك ومال اذيالها |
صح لسانهم ومحتوره رائعه
مشكوووووور والله يعطيك الف عافيه |
صح لسان الشعاااار ..
ورحم الله نواف والرياحي . لااهنت يابو بيان ... |
ان حضرنا قرب الحوض واشرب ياشريب = كلمة الشيبان جات في قلوب اعيالها
|
نواف العازمي
مايحصل من هالاشكال الا؟؟؟؟؟؟؟؟؟؟؟؟؟؟؟؟ |
الله يرحمهم جميع والله ان سالفتهم عبره اول فوق الارض يلعبون ويمزحون ويتهاوشون والحين عند ربهم يتحاكمون.
الله يرحمهم والله اني اول لاشفت شريطهم ضحكت من هوشتهم ؟ زعل الرياحي وسب نواف وغير الطاروق ويوم جاه نواف ؟ سكت لين جاء الهاجريبينهم وصار الرياحي شجاع يوم شافه بينهم ههههه وسب نواف مره ثانيه وانحاش هههههه. الله يرحمهم. والله الحين اذا شفت المقطع ان الواحد يخاف مايدري متى يفارق الدنيا. ع العموم مشكور اخوي لاهنت |
لاهنت اخوي ابو بيان على هذا النقل الموفق
والله يرحم الشاعرين ويرحم جميع المسلمين تقبل تحياتي |
لاهنت اخوي ابو بيان على هذا النقل الموفق والله يرحم الشاعرين ويرحم جميع المسلمين تقبل تحياتي |
| الساعة الآن +4: 03:47 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
