ليل الثلاثاء عنود مترٌفات الليال=(ومضٌ) لمع في ضفايرها وشعشع (بدر)
فيها من الحلم ماجاوز حدود الخيال=وفيها من الشيح وأنفاس الخزامى عطر
وفيها من الود .. مايورق غصون الوصال=وفيها من الفضل مايعجز لساني شكر
فيها من الطيب مايشفي غليل الرجال=اللي على شوفة النوماس فيها سطر
ياسيدي (بدر) ياالزيزوم شيخ العيال=طابت لياليك وايامك وطاب الشعر
طل (المسا) و(الرياض) الفاتنه ماتزال=عند المرايا نتقى لك ثياب السهر
وألبستها ياسمو النور حسن وجمال=وألهمتها ياحفيد العز .. عز .. وفخر
يهناك درب (البتول) أم البها والدلال=خذها بيدها وسنْدها بكتفك وأسر
خذها بيدها على قلبك حلال زلال=حتى ولو باقي العشاق ماتو .. قهر
مالوهم بعد (هام السحب) بنت الحلال=و(عطني المحبة) وزان الثوب (بنت المطر)
ماعاد خليت للشعار باقي مجال=وأولهم (مساعد ربيع) و(نايف صقر)
يامدمي مهجة الغيمه (برمح الشمال)=ذنبك على الراس مانبغى لذنبك عذر
حنا .. نعرفك .. نعرفك .. ياكريم الخصال=ياسيدي (بدر) هل تخفى ويخفى القمر
حنا .. على موعد .. الليلة على كل حال=جينا نبايعك يا صاحب سمو الشعر

اقتباس من مشاركة مرآهيش (المشاركة 1755428) فيها من الحلم ماجاوز حدود الخيال=وفيها من الشيح وأنفاس الخزامى عطر وفيها من الود .. مايورق غصون الوصال=وفيها من الفضل مايعجز لساني شكر فيها من الطيب مايشفي غليل الرجال=اللي على شوفة النوماس فيها سطر وتبقى ومض من حكآيآت ألف ليلة وليلة التي تطرب أسمآعي وتبقىالقلوب موآلية ومبآيعة لفآرس الشعرالامير بدر بن عبدالمحسن ويبقى مسآعد الرشيدي زعيم الشعر بلآ منآزع فضي البرآك مسآءك ... ود وشيح وأنفآس من الخزآمى ورذآذ من المطر طآبت ليآليك وطآبت أيآمك وطآب الشعر

0
0
0
0
مهما جمعت الحروف لإرضاء غرور قصيدة من قصائد
مساعد الرشيدي لاتكفي فهو بحر الابداع والجمال الواسع