قبيلة بني رشيد - مراديف - الشاعر مرزوق بن دحيم

تومي بي الذكرى من السيف للسيـف = والقلـب نسنـاس الغـرام ألتـوابـه

فـي ليلـةٍ فيهـا تجـر الغطـاريـف = موقف تعب مـا فيـه للنفـس ثابـه

ذكرى رسوم وهمـس ود وسواليـف = زالـت .. ولا زالـت محـل الكتابـه

يبقى لها في سيـرة الحـب تعريـف = أول غـرامٍ مـا يجـي لـه مشابـه.

ياغالي الذكرى... ذكـرت المواليـف = فـأول مشاويـر الغـلاء والصبـابـه

كتمتهـا وأحـلام عمـري مراديـف = أسعى وهـي تسعـى ورحنـا نهابـه

مـا باقـي إلا صـورةٍ كنهـا طيـف = وعطرٍ نسيم العشـق للـروح جابـه

تأخذ لها في دوحة الـروح تشريـف = وتنزع عن الصمـت المطـول ثيابـه

غيداّ طغت ما مثلهـا فالبشـر شيـف = لها علـى عـرش الجمـال الرحابـه

تخلف موازيـن الرجـال العواريـف = وراع الصواب إتضيعه مـن صوابـه

معربـة منسـب لهـا الأولـه كيـف = من صلـب شيـخٍ كـل مجـدٍ رقابـه

مروي عطش حدب السيوف المراهيف = راس الحسب وأًصل النسب والمهابـه

محشومةٍ عندي مثل حشمـة الضيـف = وعلـى لسانـي مـن غلاهـا رقابـه

من دونها حالت دهـور و صواديـف = وكـلٍ عذابـه فـي حياتـه غـدابـه

أعدها من ضمن الأمـوات يـا حيـف = ويبقى الرجـاء مـع واحـدٍ يرجابـه

راحت ورحنـا والخواطـر ملاهيـف = وكـلٍ يعيـد الذاكـره مـن عـذابـه

مختارة