|
فرق .. الشنب بين الأذناب ..!
بعد السلام أبداء .. بتثريب الكلامِ وإمضائه ورصفه ..! اسعد الله أوقاتكُم جميعاً .. بـ الخيرِ واليُمنِ والمسَرات ..! أقدم لكُم هذه القصيده الإرتجالية من غيرِ تمحيصٍ .. ولاتنقيح ..! لــ التواصل ..! وكما عهدتموني لا أحب الإطاله .. فــ الخيرُ دوماً .. في إيجاز المقاله ..! أيه أعرف الله .. وأذكره وأستخيره وأعرف بعد ..صكات بقعاء والأنشاب وأعرف بعد .. قل العدد من كثيره وأعرف بعد .. فرق الشنب بين الأذناب وأعرف بعد .. رجلٍ تلافح زفيره وده يطربقها .. على روس الأشناب ابدبكه .. غب البحور الغزيره وأعلمه .. وشلون تقدير الأصحاب ياهيه .. ياللي حكمك اليوم شيره لاتحسب أن الصن .. فكاك الأصعاب لاتحسب انك .. حاكم اليوم ديره وتشيلنا .. شيل المناسب والأطناب شم البختري .. واسعط أحلى عبيره واجلس تمخطر .. وانبسط بين الأطياب وسج الدروب .. المربعات القصيره وأجلس مع خلك .. وبادله الأعجاب غرهد تعنفص .. عل با الأمر خيره ودوّر مكانك .. يا الردي بين الأعراب واليا ادلهمت .. لا تفل الظفيره وهج الهجوس .. ولوفها دون الأسباب ادري مكانك بين نور وسميره وادري بعد قدرك حدر بين الأحباب وكلٍ يغني .. ما يقوله ضميره وأنا الذي .. ما مردسه تيس الأجناب واهبي ونامي .. يا العيون السهيره وصكي عن العالم .. مفاريع الأبواب دمتم بخيراً وستراً وعافيه |
صح لسانك وبيض الله وجهك ياشعرنا المميز
سجل اعجابي بما قمت به |
غرهد .... تعنفص عل بـ الأمر خيره
........................... ودور مكانك يالردي بين الأعراب شاعرنا ".. ذيبان الرشيدي .." كماعهدنا شخصك ., وكما عهدنا شعرك ., لاتأتي الا بـ اجزل القوافي ., انت كالذهب لاتتغير ., صح لسانك لين ترضى .., |
وعليكم السلأم ورحمة الله وبــركـأته
حياك الله ذيبأن وين الغ ــيبه عوده حميده يابن العم وصح لسـأنك واع ـتلأ شأنك مافيك حيله يالغ ـلأأ ابداع في ابداع |
وعليكم السلام ورحمة الله وبركاته
هلا والله بذيبان الرشيدي منور بعد الغيبه والحمدالله على السلامه افتقدناااك الايام الماضيه وفرحين بهالطله شم البختري .. واسعط أحلى عبيـره واجلس تمخطر .. وانبسط بين الأطياب وسج الدروب .. المربعـات القصيـره وأجلس مع خلك .. وبادله الأعجاب غرهد تعنفص .. عل با الأمـر خيـره ودوّر مكانك .. يا الردي بين الأعراب صح السانك ملايين ابياااااات رااائعه من شاعر جزل ورائع بكل حالاته لاهنت وتقبل مروري واعجابي تحياتي لك |
ياهلا وغلا منور ذيبان بعد الغيبه وين الناس
صح لسانك وكما عهدناك مبدع بمعنى الكلمه سلمت من اعماق قلبي |
وعليكم السلام ورحمة الله وبركاته
شاعرنا المميز والعذب ذيبان كما عهدناك بالإبداع تعود لنا بالجزل صح اللسانك افتقدناك واشتقنا لك لاعاد تعودها شم البختري .. واسعط أحلى عبيـره واجلس تمخطر .. وانبسط بين الأطياب وسج الدروب .. المربعـات القصيـره وأجلس مع خلك .. وبادله الأعجاب |
صح لسانك يا ذيبان قصيده جزله من شاعر جزل دائما
|
| الساعة الآن +4: 06:10 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
