قبيلة بني رشيد - خلاص ماعاد بيدك وانتهى دورك

خــــــــلاص مــــــــا عــــــــاد بــــيــــدك وانــتـــهـــى دورك

مـــــــن عـــقــــب مـــــــا كــــنــــت تــامـــرنـــي وتــنــهــانــي

ومن عقب ما كنت احاول ارضي غرورك

عـــلـــى كـــثـــر هـــمّـــي الـــلـــي شـــلـــت واحـــزانــــي

مرحبا كيف الاحوال عساكم بخير

قصيدة اعجبتني وحبيت انقلها لكم واتمنى يعجبكم ذوقي :)

خلاص ما عاد بيدك وانتهى دورك = من عقب ما كنت تامرني وتنهاني

ومن عقب ما كنت احاول ارضي غرورك = على كثر همّي اللي شلت واحزاني

يومني اصدق معك واشتاق لحضورك = والشوق في غيبتك خذني ووداني

خلاص ما عاد بيدك وانكشف زورك = لو كنت صادق تعاني مثل ما عاني

مليّت اجاوب معك واراعي شعورك = كرهتني في وصالك وانت تجفاني

مليّت وانا اتحرى لحظة مرورك = وانا احسب انك بعد مثلي تحراني

كبّرت شانك واشوفك تقصر شبورك = واكبر غلط يوم انا حطيت لك شاني

غلطان منهو سمع رايك واخذ شورك = واللي يجاوب معك بالحيل غلطاني

خلاص لو بالبحر رسيت بابورك = دربٍ يوديك لا يرجعك لي ثاني

لو اظلمت دنيتي ما اشفق على نورك = ولو الزمن ذكرك حاول تنساني

لانه خلاص انتهى يا صاحبي دورك = مات الغلا والوله.. والوقت صحاني

وسلامتكم

للشاعر خالد بن جبهان