ياللي تخاف من الحرج والمشاريه=البيت وسع مجلسه لابنيته
حتى الياجاك المسير تقهويه=يمشي وهو مرتاح لو ماقريته
اللي تسر عيون ضيفك معانيه=مخلوف وقتاً في مجاله قضيته
والمجلس اللي يطلق حجاج راعيه=عزالله اني عند سالم لقيته
ابومحمد واركدي يامشاريه=ابوه سبع الليل مشهور صيته
واخوه ابو ممدوح ياحي طاريه=فنجال دار بمجلسه مانسيته
يقعد خوى راساً هوى الكيف طاويه=والعود الازرق ريحته مستميته
والطيب بااخوان الكريم وعوانيه=كلاً مشرع للوفا باب بيته
وراع الوفا والطيب ربه يجازيه=والا أنت مهما تمدحه ماجزيته