قبيلة بني رشيد - يالي تواعديني من الصيف لصيف { جديد وحصري لـ/ شاعر ثامر شبيب

قبيلة بني رشيد (http://ban3abs.com/aa/index.php)

- قسم الشاعر ثامر شبيب الدقباسي (http://ban3abs.com/aa/forumdisplay.php?f=120)

يالي تواعديني من الصيف لصيف { جديد وحصري لـ/ شاعر ثامر شبيب

صباح / مسائكم
مشع من جنة الزيزفون

يالي تواعديني من الصيف لصيف

قصيده حصريه وجديده لشاعرنا ثامر

امتع الاوقات

http://dc08.arabsh.com/i/01563/g7y2d7q88w8y.jpg

ياللي تواعدني من الصيف للصيف
مابيك هذا الصيف تحسب احسابي

انا تعبت من السفر والتكاليف
البنك لولا القرض سكر حسابي

يعجبك لو دنياي جتني على الكيف
عليك ماوالله يطول غيابي

لاجيك في لندن وباريس واجنيف
من وين ماتذهب احدد ذهابي

اصرف وكن الي صرفته تناتيف
من مالي الي ماتشيله اركابي

واعطي بعد بخشيش كثر المصاريف
عندي ملذات الحياه بشبابي

اخرب الدنيا من السيف للسيف
حتى الهضاب اكتب عليها هضابي

وفي الفله الي فوق روس المشاريف
كن السحاب استغفر الله سحابي

اللي درايشها تبطل على الريف
اجلس معك واحكي حكاية اعجابي

واختار لي غيمه وغيمه مواليف
اكتب عليهن في حضورك كتابي

بالاوله اكتب هلا فيك يالضيف
انت المعزب تحت امرك جنابي

و بالثانيه اكتب احبك ولا عيف
حبك ولو كان السبب في عذابي

شف وين ودتني معاك السواليف
وانا فقير وراس مالي ثيابي

فقير مال اسرح مع الحلم والطيف
كرامتي لسود الليالي زهابي

عزيز نفس ولا انحني للصواديف
في عز جرحي كنت ناقل صوابي

لكن معك عانيت بعض المواقيف
غير الغياب وحبك اللي صطابي

منك تبي تعرف متى وانذبح كيف ؟
بسؤالك الي ضاق منه جوابي

لا قلت حاجز وين بتسافر الصيف
تحسبني وسط البنك فايض احسابي

وانا علي اقصاد غير المصاريف
الوقت مايرحم سهرك وعذابي

لـ / الشاعر ثامر شبيب الدقباسي

دمتم بحفظ الرحمن
الاماكن

الله الله ..

أقسم بالله أني إذا وجدت قصيدة لثامر أقرأها على مدى يوم كامل ..

الله عليه هالمبدع الرائع ..

والله عليك يالأماكن ..

الله الله وربي أبـــداع
رائعه كروتع ــت شـــاع ــرهـــا
تســلم الام ــاكن على نقلها لنا
ـــولاهنتــ

الحقيقه ودي اكتب ودي اعلق لكن عجزت كن الكلام اللي بقوله مايصل الى وصفها

كلمات وتصميم وشكرا للاماكن

قصيده بمنتهى الروعه
صح الله لسان الشاعر ثامر مدد بلاعدد
وتسلم اخوي على طرح القصيده

صح لسان شاعرنا / ثامرشبيب
ولاجديد ثامر رائع بكل حالاته
مشكووور الاماكن ....

اعجبك لو دنياي جتني على الكيف=عليك ماوالله يطول غيابي
لاجيك في لندن وباريس واجنيف =من وين ما تذهب احدد ذهابي

صح لسان ابو شبيب رووووووعه في كل بيت

الاماكن : نقل تشكر عليه

السلام عليكم ورحمة الله وبركاته
ليس بغريب الابداع من شاعر بمستوى الدغباسي
والجمال وجود اخوي الاماكن