قبيلة بني رشيد - نسيت طاريك وكبيت ماضيك وأسمك من الذكرى تراني مسحته

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

نسيت طاريك وكبيت ماضيك وأسمك من الذكرى تراني مسحته

أول مشاركه للي بالشعر منقول

الوقت فاتك لاتجيني ولا جيك
واسمع ترى حبل الموده قطعته

نسيت طاريك وكبيت ماضيك
وأسمك من الذكرى تراني مسحته

لا تعتذر واللي خذيته يكفيك
خلاص وش تبغى بقلب(ن) جرحته

قاسي ولا ترحم وانا ابخص(ن) فيك
معفي من الاحساس صوبي منعته

في ماضي الازمان بالروح شاريك
واليوم حبك وسط الاسواق بعته

ارخصت حبك والسبايب تغليك
لاتحسب(ن) قلبي بحبك اسرته

وين انت عني يوم انا كنت ابغيك
وين انت قلي يوم صوتي رفعته

جهلت صوت(ن) بالمحبه يناديك
لين انقطع حسه وحسه جهلته

دفنت حبك والحقيقه بياديك
ماهوب انا اللي في يديني دفنته

خلاص دور مثلك اليوم يسقيك
من كاس حبه لاني اليوم عفته

وأسمع نهاية كلمتي قبل اخليك
حبيت غيرك بالموده عشقته

صح لسان شاعرها وتسلم يدينك على الطرح الجميل .

أبيات قوية تحتاج لقلب أقوى حتى يستطيع كتابتها!

صح لسان شاعرها وصح ذوقك

:)

ررررروعه ،،
تسسسلم ع الطررح ..

إقتباس:

وين انت عني يوم انا كنت ابغيك
وين انت قلي يوم صوتي رفعته

جهلت صوت(ن) بالمحبه يناديك
لين انقطع حسه وحسه جهلته

روعه بكل معنى!!

وتم حفظها عندي !!

صح بدنكم الجميع
ولكم مني جزيل الشكر
على مروركمممممممم