تجمل ياحسين القد فينا واكسب المعروف
 

تجمل ياحسين القد فينا واكسب المعروف
ولاتنسى الزمان اللي مضى لو سافه السافي
تصد وتتقي عني تحسب اني عمى مااشوف
وانا الي كل ماشفتك تلاقى بشوفك اطرافي
تراي ادرى عليك من الحسود وهرجة الملقوف
نوى الله من نواك بسو يامنبوز الاردافي
عشيري فيه حسن اخلاق مع منطق وزين وصوف
عريب الجد خد وقد ثقيل والعقل وافي
عيونه سود وربته طويله والحشا ملهوف
ستير ويسحب الثوب المشجر زين الاوصافي
مسايير الضحى ماهمته حرج وباع جزوف
تركهن واشترى الستر الجميل وقال ياكافي
انا ماابيك تلعب يانظر عيني على المكشوف
ابي حب على الفطره وابي لعب على الخافي
انا ماابي مراسيل اتصال ومحبره وظروف
ولاابي غمزة عيون وكلام مابه انصافي
ابي ليل اجي لك فيه لاشايف ولامشيوف
تحت جنح الظلام يضمنا ستر الله الضافي
ابي حب على وضح النقا شمسه بدون كسوف
وابي بحر اجدف فيه بشراعي ومجدافي
ولاابي مايدنس سمعتي يوم العباد وقوف
ترى خوفي من الله راس مالي مكسب صافي
واحب اللي على علوم الوفا والمرجله معسوف
واحب اسلك دروب المرجله واحقق اهدافي
وانا ماني على بعض السوالف والحكي مكلوف
اشوف الدرب قدامي واخلي مامضى اخلافي
واخلي كلمة الجاهل تمر بسمعي وتطوف
تقل ماكني سمعته كذا طبعي وميقافي
وانا عاقل مع العاقل صخي كف وربيع ضيوف
وانا واصل مع الواصل وانا جافي مع الجافي
وانا اكتب مايجول بخاطري فوق الورق بحروف
تهب وتفزع اشعاري حشا ماينظلم قافي
ترى بعض العرب هرج على الخالي وطق دفوف
يتيه المنزله ويعد نفسه شيخ وسنافي
تغيب الشمس ويخيم ظلام الليل يااهل الخوف
وكل ياخذ اللي له مادام الجسم متعافي


فهد المفرج التميمي
تمير 1425هـ

اتوقف هناء عند منبوز الاردافيَ

*_^

شكرا يالنمرَ

مشكووووووووووووووور علي المروووووووووررررررررر ياالعبسي الواضححححححححححححححححححححححح

صح السانك

؟

ابيات جميله يعطيك العافية ومشكور

مشكوووووور والله يعطيك الف عافيه

الله يسلمكم وعافيكم ومشكورين علي المرووووووووووووووووووووووور الجميععععععععععععععععععععععععععععععععععععععععععععع ععععععععععععععععععععععععععع