يسعد اوقاتكم بكل خير
قصيدة من قصائدي أتمنى أن تنال أعجابكم ويسعدني مروركم وردودكم التي هي هدفنا للوصول الى قلوبكم الغاليه
وهي بعنوان جـــرة الدمع :

مليت وانا انتظر متى يجي بكره = في داخل الروح شي (ن) حيل مزهقها
فيني تعب ماقدرت احصيه وش كثره= واحلام في داخلي عجزت احققها
مثلي تحمل وقاوم وانتهى صبره = والحال ملت وهمي صار يسرقها
واليوم محتار بأمري يالله الدبره= والنفس تعبت من اللي حيل مقلقها
لايازمن ليه تفرض كل مانكره= واللي نبي يازمن ترفض تحققها
والشوق بالعين واضح كنه الجمره = لين التهب موقها والدمع يحرقها
شف جرة الدمع فوق الخد وش كبره= حتى المناديل شفها كيف مغرقها
يامنوة القلب ياسحره وياعطره= ماادري متى في سماي يلوح بارقها
طول غيابك وانا ميت من الحسره= حتى تسببت بأشياء مااقدر انطقها
تعال ضم الخفوق اللي فقد عمره= وأسكب بدمي رياحينك وعتقها
في ليلي اسهرك حتى يذن لفجره = وأتنفسك في صباحي روح واشهقها
واليا لبسك النعاس وزانت الخثره = أبنتثر فوق نارك واتوسقها
والمك بشوق واغفي منهي السهره= في جنب من هي حياتي موت واعشقها
والشوق جمر وشب النار من جمره= لين احترق في دفاها البرد واحرقها

وسلامتكـــــــــــــم,,,
بقــ يجيني طاريك ـــلمي

الرايق العذب يجيني طاريك
لا فض فوك