عسى السحاب اللي له ارعوده تسوق=وسيل(ن) على ماقيل يقفاه ديمه
يسقي ديرنا يامهل يابن مرزوق=وتنبت وتخضر عقب كانت حميمه
ديار ربع(ن) تحتمي شمخ النوق=يومنها بين الخصيم وخصيمه
لو كان راحوا ماذكر فيهم طقوق=ولاذكر فيهم من سعى بالظليمه
واليوم انا ليه مشاريه وحقوق=عليك ياللي نظرته مستقيمه
يابن عريجه كل راس(ن) به فلوق=لاكان يوجد بين الاجواد شيمه
سمعت انا ناس(ن) لها علوم وشدوق=اهل القلوب الحاقده والنميمه
تجمعوا في مجلس(ن) شبه مغلوق=وكل(ن) ركب منهم عميمه طميمه
هذا يحش بذاك وذاك مطفوق=ومصادر التفكير منهم عقيمه
والعلم واضح كل ناس(ن) لها فروق=وكل(ن) إله بين الرجاجيل قيمه
ومن صاحب اهل السوق تلقاه بالسوق=هذا هو الحاصل يمال الغنيمه
والصيده اللي علقت فوق معلوق=قدم الملا حطت لاهلها وليمه
ماتشبع الجايع ولكن لها ذوق=عند الخبول اهل العلوم القديمه
زلت وراحت من وراء قبر فاروق=وفازوا بها اهل القلوب اللئيمه
لاتقول صبر وكل مطرود ملحوق=السالفه راحت وذبت خريمه
وكم ثوب في تال الزمن صار مشقوق=وعزاوي(ن) مثل صياح اليتيمه
والشجره اللي مالها جذع وعروق=لونها عاشت وماتت عقيمه
وتمت بذكر الواحد المعتلي فوق=اهو الذي يحيي العظام الرميمه

تجمعـوا فـي مجلـس(ن) شبـه مغـلـوق=وكـل(ن) ركـب منهـم عميـمـه طميـمـه
هـــذا يـحــش بـــذاك وذاك مـطـفــوق=ومـصــادر التفـكـيـر مـنـهـم عـقـيـمـه
والعلم واضح كل نـاس(ن) لهـا فـروق=وكــل(ن) إلــه بـيـن الرجاجـيـل قيـمـه

عسى السحاب اللي له ارعوده تسـوق=وسـيـل(ن) عـلـى ماقـيـل يقـفـاه ديـمـه
يسـقـي ديـرنـا يامـهـل يـابـن مـــرزوق=وتنبـت وتخضـر عقـب كـانـت حميـمـه
ديـار ربــع(ن) تحتـمـي شـمـخ الـنـوق=يومـنـهـا بـيــن الـخـصـيـم وخـصـيـمـه