للشاعر عيد بن عسكر العويمري الرشيدي
 

9999bani-3abs
655bani-3abs

هذه عدة قصائد للشاعر عيد بن عسكر العويمري الرشيدي حينما كان في الخارج لرحلة علاج يوصف بها حياتهم ووضعهم والحمدالله على سلامته وما يشوف شر

يالله يا فيصل نطب السوق وانشوفه

ونلحق على البيف قبل يفوت موعدها

سوقٍ اذا جيت به كل شيءً اتشوفـه

واذا تبي حاجـةً بالسـوق تاجدهـا

من عقب ما يحط لحم الحيل وانعوفه

اليوم رجل الدجاجـة ليـت ناجدهـا

ودارً بها تمشي العـورات مكشوفـه

هني من راح وابعد عـن مشاهدهـا

سافرت لميونـخ وسافـرت مدريـد

ومريت بالنمسـا علـى عاصمتهـا

وسافرت هولندا وسافرت للسويد

وابكوبنهاغن وأوسلـو خاتمتهـا

ولقيـت نـاسٍ تلتـزم بالمواعيـد

والكذب والمظهر ما هو من صفتها

وشـوارعً فيهـا تضيـع الاواليـد

والناس تمشي فوقها ومـن تحتهـا

واقول للـي يفهـم العلـم صنديـد

لا يروح لبلادً مـا يعـرف لغتهـا

متى الفحوصات تخلص وأتكل بالله

وانروح عن ديرةً ضعنا بشوارعهـا

ناسٍ تجوب الشوارع من صباح الله

اكـلاب قدامهـا واكـلاب تتبعهـا

وانروح لاهل المفطح واهل الدلـه

وانشوف سمر العمايم في براقعهـا

الله الله
صح السان شاعرهااااااااا ونقلهاااااااااااااااا
قصائد رائعه

صح لسانك ياشاعررررررررررر

صــــــــــــــــــح السانــــــــــــــــك
ياشاعـــــــــــــــــــــــــــــــــــــــر