قبيلة بني رشيد - عشت قصة حب قولهآآ لنا

مدري من وين ابدا .. لكن كل اللي اقولــه وباعلى صوت ( احبــــــــــــــــــــــها ) اموت فيها اعشقها متيم فيها والله كلمات الحب ما توفيها ولا في كلمــة تعبر عن شعوري لها بس اقل واسهل شي اقدر اقولــه اني احبـها لحد الجنون .. افكر فيـها وانا نايم وان صاحي وانا ماشي وانا جالس وانا مستنانس وانا زعلان في كل وقت .. بداية الحب كانت من طرف واحد شفتهــا ويا ليت ماشفتها بس من بعدها حياتي انقلبت فوق تحت .. حياتي تغير 180 درجـه اول يوم قلت قلت يمكن مجرد شعور عابر وكم يروح لكن كنت غلطان الشعور اللي كان فيني يمكن كان اكبر من الحب بس طول هالمده وانا كاتمـه .. بدأت افكر اني اشوفها مره ثانية على الاقل اطفي اللي فيني واشفي غليلي بشوفتها رغم اني ارسم صورتها في خيالي على مدار الساعه صورتها ماتفارقني .. لحد ماشفتها تجمدت بس كان ردة فعلي التقائيـة هي الابتسام واللي ماتوقعته انه تبادلني نفس الشعور .. يمكن يكون كلامي بالنسبة لكم غير معقل لكن هذا الحاصل والواقع
حسيت اننا عائلة وحدة وبعد سنتين من الحب البنت انخطبت انا انصدمت صدمة قووووية فكرت جد اقولها بخطبك قالت خلاص انتهى الناس كلموا اهلها مجرد كلام فقط بس هي كانت ترحمني قالت ابيك توعدني نبقى اصدقاء صعب ننفصل على طول .. وخصوصا ان زواجها راح يكون بعد 3 سنوات لان خطيبها يدرس قالت خل تبقى معاي بالماسنجر ونتعود على بعض بس مجرد صداقة وانت ماتنقطع عني ولا انا انقطع عنك .. قلت اووكي .. بصراحة كانت فترة صعبة لي ولها اول 6 شهور بس مع مرور الوقت تعودنا صرنا نقول لبعض سوالفنا العائلية بس مانتطرق لكلام الحب ولا شئ كاننا اصدقاء بس.. بس بصراحة كنت اتلهف على شوفتها بالمسج لان احس هي الي تفهمني وتضحكني وكل شئ فيها حلوو صرت اسحب على اصدقائي واجلس معاها ونسولف ونضحك الوضع طبيعي صداقة فقط.. وبعد سنة قالت ان اخوها شك فيها عشان كذا تبي تترك المسج بس وبتكون معاي عن طريق المنتدى الي يجمعنا .. وفي نفس الوقت الي قالت لي اخوها شك فيها قالت لي انها بتسافر عشان الاجازة..حسيت بصدمة ثانية.. لاني كنت اعتبرها كل شئ في النت لي .. كنت افكر فيها اول ماصحى من النوم ليما اشوفها وبعد ماتطلع افكر فيها ليما اشوفها ليوم البي بعده. بعد ماتركت المسن حسيت بفراغ كبير .. وان اخوها ماشك فيها بس هي من نفسها سوت هالشئ عشان ماتعتبر خاينة لزوجها.. انا قدرت هالشئ والله وبالعكس لان خلاص شبعت من الصدمات بس فرحت لها وادعي لها ان الله يوفقها.. اليوم دخلت المنتدى وقعدت ترسل لي بالخاص عن سفرتهاوالبحر الي كانت تروح له وانها مستانسة

طبعا هي ماتدري اني دريت عن خطبتها .. وانا مابي اقولها ..لان لو بقولها بخاف من ردة فعلها وتترك المنتدى او شئ..

كنت اتمنى انها تقولي عن خطبتها .. عشان ابين لها ان وضعي عادي واني مستانس لها..

حس بضيقة بصدري واحس ماراح تروح الا اذا قلت لها الف مبروك..

الله يكون في عوني.. وإن شاء الله اقدر ابارك لها

ودي اشوف الفرح في ردة فعلها لان هالانسانة اسعدتني كثيير وضحكتي وفرحتني

بس مو من نصيبي .. والله يوفقها في حياتها 000موضوع شيق وجميل (بنت العريعري )وهاانا اتفاعل مع موضوعك لانك جددتي الجرووح بعد مابغت تندثر وتنلم لعبتي علي الوتر الحساس بموضوعك الجميل 0 0000ربي يسامحك ايقظتي ذكريات كانت بالامس نايمه 000000اسف علي الاطاله ولكن هذا الواقع 000 وتقبلي تحياتي