قبيلة بني رشيد - هذا ابو مشعل عقبه عود من عود ...للشاعر عواض ابن بهلان

بسم الله الرحمن الرحيم
هذي القصيده قيلت يوم الخميس في مناسبه عامه حضرها أكثر من ( 100 ) شخص
من ابناء القبيله ومن القبايل الثانيه وايضاً من كبار الظباط
بمنطقه حفر الباطن .....

قائل القصيده / الشاعر عواض أبن بهلان العويمري

القصيده موجهه الي ولد عمي / زارع بن زاهي عارف العويمري

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شعري عطاني عهد وعطيته عهود = ياكثر ماعطيته وياما عطاني
من فضل ربي مايجي فيه منقود = الواحد المعبود والعمر فاني
معاهده اصدق مع المدح مازود = بالشعر والله مايجامل اللساني
واليا مدحت امدح هل الطيب والجود = اللي لهم وقفات عبر الزماني
ومن يجحد هل الطيب يناس مجحود = والمحسن الله يرزقه بالحساني
مثل ابو مشعل بالمواقف له شهود = مشهود له يطيب قاصي وداني
يفزع معك مضهود او منت مضهود = والطيبه في فعلها مايعاني
يكفيك لامنه بذل معك مجهود = عن فعله المجهود والله كفاني
درب الردى بذات عنك أنت مسدود = انا اشهدنك ماتطيقه ثواني
هذا ابو مشعل عقبه عود من عود = ابن الرجال معربين المجاني
يطرب اليا منه سمع صوت بارود = مايطربه صوت اللحن والاغاني
شخصيته اتسود وتسود وتسود = له قيمتٍ له هيبتٍ له مكاني
وعساك ماتفقد ولا تصير مفقود = ويطول عمره بالفرح والتهاني
وعسى العذارى كل ماتجيب مولود = يشبه ابو مشعل بكل المعاني
ومعاهده اصدق مع المدح مازود = بالشعر والله مايجامل اللساني[/POEM]