قبيلة بني رشيد - لبيك ياللي من غلاك أغليك يا شعب الكويت لبيك لو انك تسوق النفس لاقصى حدها

ذعذع من الغربي براد الصبح وانا ما شفيت
كبدي مطـاولها ظمـاها والهبوب تشـدها
ودي وهـو وده يذكـرني يحـسبني نسيت
يا بري حالي يالهـبوب الـلي يذعذع ندها
يا ما سريتك فالليال الخرس وانا ما سريت
الاعلى شان اكشف اسرار الليال وسدها
وياما غفيتك جعلني ما صحى الى مني غفيت
إلا على صوت الطيور اللي تحرى غدها
يا ليت ما تنفع ولا باخر طموحاتي ياليت
ما ينفع الا أكسب رضا نفسي وادور ودها
لو ان دمع العين ينفعها من البارح بكيت
لكن دمع العين يفضحها ويجرح خدها
اقول بلوى والعيون الخدر منها كم شكيت
ما يكفي إني عارفٍ جز ر البحور ومدها
لبيك ياللي من غلاك أغليك يا شعب الكويت
لبيك لو انك تسوق النفس لاقصى حدها
تراك مسرف في حياة اللي حياته كمبليت
من بين يديـنـك لكن رفبه ونفسه هدها
خلاص لا تقعد تعاتبني على شاني قسيت
تبغاني اخضع للهموم الا بوقف ضدها
قد قلت عطني ذا وعطني ذا وعطني ما عطيت
وأنته تـقول الكلمه اللي ما تبيها بـدها
احيان أحس أنك عدو ولا نويتك ما قويت
واحيان تعجـبنتي وأقول انشـهد أنـك قدها
احترت مدري وين احطك وين مدري كيف جيت
دشيت قـلبي والعـرب فـيك الـعيـون تلـدها
بغيت أردك واتبرى منك لـكـن استـحـيت
اقلط لا رحم اللي تـعذر والضيوف يردهـا
واخترت لك بين الضلوع الغالية كرسي وبيت
وابني لك جـسور المـحبه وتعـثروتـهدها
لاحسبي الله ما سرع النيه الى منك نويت
الا لا والـله يلعـن الحـاجـة ويلعن جـدهـا
اللي توردني على حوض المنيه ما دريت
وتسوقني مـن بين رجـلـين الهـبود ويدهـا
استغفر الله كـل ما دورت لي يمـه غـديت
عقدتني بالعقده اللي ما عـرفت اهدهـا
والله لو انك بكـرةٍ من دونها حرب السفيت
أني لا اطّول دامع ال سنيد على خـدها

حمد بن صالح