قبيلة بني رشيد - قـصـيـدة آلـشـآعـر Ọ جـآبـر سـعـيـد آلـمـري Ọ لـ ،، { .. بـن رشـيـد .. }

الـسـلآم عليكم و رحمة الله و بركآته

هذه قصيدة للشاعر " جابر سعيد المري " يمدح فيهآ { بني رشيد }

سلآم رديه بحفل الأصآحيب ،،
اللي كرمهم مآ لقينآ مثيله ..

أهل الكرم و أهل الوفآء و الموآجيب ،،
أهل العلوم الوآفيآت الجزيله ..

بني رشيد لعوآ الذيب للذيب ،،
أهل السيوف المرهفآت الصقيله ..

عيآل عبس لآ جفتك المشآريب ،،
قبيله يآ طيبهآ من قبيلــه ..

إن صآحبت تلقى الكرم و الترآحيب ،،
و إن حآربت سم على الضد سيله ..

شيآبهآ عند اللقآء تجهل الشيب ،،
شعآرها عل الكبود العليله ..

عدوهم يصبر على شقت الجيب ،،
و دخيلهم ينزل برأس الطويله ..

قلته و أنآ من لابتاً تكسب الطيب ،،
قوم لآ شآلت تشيل الثقيلــه ..

مري و من روس توفي المطآليب ،،
يآميه يوم الملآقآ مهيلــه ..

و كل القبآيل مآ بهآ شك و لآ ريب ،،
مآ هي تهآب إن شب رآس الفتيله ..

قلت القصيدة و أرتجي عآلم الغيب ،،
إنه يجملني مع أهل الجميلـه ..

و لآ قلتهآ قآصد و رآها مكآسيب ،،
لآ و الذي يولج نهآره بليلـه ..

و ارجوآ السموحه في ختآم المكآتيب ،،
إن كآن فيهآ يآهل العرف ميله ..