ذيـب النشامـأ ( مبارك الـسوارج )
الحمد لله عدد مـا هلـت امطـاره=اليا ومره الولي وانـزل همـا ليلـه سبحانه اللي يعلـم السـر واجهـاره=استغفره وارتجـي عطفـه و ألبيلـه يا صاح هات القلم واكتب من اشعاره=قأفً قوافيـه مكفولـه عـن الميلـه يطرب فؤاد الاديب بزيـن تعبـاره=يوم استوالـي ودارتلـي محاحيلـه ذيب النشاما ! علينـا شنهـا غـاره=مع ذرة الصبح صبحنا علـى خيلـه صباح ٍ اقشـر ودارت وهـي دواره=راهن علينا ومالـت فـي معاديلـه تـل المجاهيـم وأقفـى ناحـرٍٍٍٍ داره=وخل المغاتيـر للـي مالهـم حيلـه كسيـرتٍٍٍٍ مالهـا رافـي وجـبـاره=لو عيد تنظيمها مـا سـر تشكيلـه الكبر والشيب ! يجرح قلب صبـاره=ما فاد مسحـوق مكياجـه وتكحيلـه أليا أقفى شبابه تقل سكرأب سيـاره=لو طبلولـه مـا فـاده زود تطبيلـه قطع غياره ما توجـد عنـد تجـأره=مديله أقفـى لـو أنـه نافـلٍ جيلـه الفكر مشغول ! والاعصاب منهـاره=لو قام يبـا المراجـل فاتـرٍ حيلـه وعصر الصبا مثل روضً زان نواره=إليا صار سايل وممطورٍ بعد سيلـه ريح النفل فيه يعجب عيـن نظـاره=فيه ام سالـم تغنـي فـي مواويلـه يا الله يا اللي تسوق الخير وأقـداره=يا مدير الافلاك في يومه وفي ليلـه يا مشفي ايوب من بلـواه واحسـاره=طالبك عفـوك وعافيتـك وتسهيلـه مع ستر الاحوال والرحمه مع استاره=وحسن الخواتيم عن زله وعن عيلـه يوم الموازيـن مـا يفيـد معـذاره=تلقا احسابك وكل (ن) ياخذ اللي لـه احدٍ بجنة عـدن مسـرور بزهـاره=واحـدٍ بنـارٍ توقـد مـن غرابيلـه وما قل يكفي وزبد الهرج بأ قصاره=شابت طواريقها عـن زود تطويلـه الشاعر : مبارك السوارج الرشيدي |
قصيده جميله وتقبل
مروووووووري |
مبارك لك جزيل الشكر على هالجزلة واسمحلي ان العنوان اللي كان فوق القصيدة اعتقد انه غير لائق والقصيدة اكبر من العنوان ومعانيها واضحة لمتذوقين الشعر وانا اعتبرها من افضل ماقريت في هذا المنتدى واسمحلي على التقييم وتستاهل الختم
|
صح لسانك يا مبارك والله يقبلك
|
الاخ نواف لقد شرفني تعليقك على قصيدتي . وانا اعتبره وسـامـاً على صدري ( وان دلـه على شيـاً فـأنه ما يدل على ذوقـك الرفـيع ) وشكر لك يا اخـي العزيز .. لا هنتـو على المرور جميـعأ ....
|
ابو رشيد صح لسانك والجزل ما يجيب الا جزل
|
الشاعر مبارك السوارج
صح لسانك وبيض الله وجهك يعطيك العافيه ودمت للتميز عنوان وتقبل ودي قبل ردي. |
لا هنـتـو على المـرور جميـعـاً ..
|
الساعة الآن +4: 10:05 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.