قصيدة نادرة لشاعر عازمي قديم يمدح أمير من بني رشيد , قصيدة تعتبرغريبة يستحيل حفظها بسرعة لماحوته من ألفاظ نادرة التداول في زمننا هذا. وهي للشاعر الكبير سالم بن مشحن العازمي يمدح بها الأمير أبراهيم ابن غثي الخياري الرشيدي ....
بديت جبار العظام الكسيرة = مظهر سفينة نوح من جم فاير
وكتب لأبوحباس نار الذخيرة = مثل النداوي بالهضاب العساير
انت الأمير اللي فعولك كبيرة = ياأمير يامزاعم شيوخ العشاير
أنته مقر العرف ونته خبيره = وأنت الوفي ونته حزين الضماير
وأنته والد بالضيف حام الخويره = يوم عتقاب الملح مثل الصهاير
يوم السياهي (1) مايثبت منيره = محارجه عند النفوس الخطاير
ياشوق من قرنه تعدا ضميره = بنت الشيوخ متيهين العشاير
فيك النقاء ياأمير ماتستعيره = أعطاك من يعط الحليم البصاير
يامحاضين قدم النشاماء السعيرة = قدام بيضن كبر روس الزباير
من الكبيره للوسط للصغيره = تقول منهن ياخذون العطاير
لجاهن المضرم تبتهج نضيره = امراكيات وفيهن اللبن حاير
وخلافهن نجرن يقارب هديره = صوت ملح صكت عليه العشاير
اللي منك ياأمير ماريد غيره = شي بسيط من البحور الغزاير
-----
(1)- السياهي :فارس قديم يضرب به المثل .