ول ياهجسن بعد ما نحاء ضوى=كل مانحا وانتحاء رد خطره
كل مارتحنا لمعلوقي كوى=مرتن يكويه ومرار شقره
قال ابرجعك لعصور الغوى=لزمان اللي محبته ثمره
قلت فارقني ياملعون الثوى=مابقا بالعمر شين تا مره
الشباب اقفا ومعه اقفا الهوى=العمر له منتها وله زهره
كيف اعود بعد مالعمر استوى=والشعر بالراس لونين شعره
وجالنا مع درب ثاني والتوى=قال توك شاب والماض اذكره
قال لايمكن افارق ونطوى=كود ترسلني لرجل ٍ وقدره
قلت فيه اشخاص يوم انه نوى=شوف معيوف الرشيدي ونحره
ومر للمقدام وجمعهم سوى=كل منهم شاب واللحب غمره
وذبهم في بير من جاها ارتوى=بير حبن مادفع فيه مهره
ويا غشاهم حب مالقيله دوى=لبو خالد شوفكم لد نظره
و يابتلا ناصر ومع ربعه دوى=يا قرشو من خلفهم طش حجره
كم شجاعن من هوى البيض انشوى=وكم وكم من مات من سبت مره
وامر ابن نافع سهل زين الخوى=ولا تكلم بس سلم وشكره
وقول كان الذئب في رجمه عوى=ماخبر غير انت ذحرن نذخره
حسب رايي والقوي رب القوى=وان حصل تقيصر نرج المعذره

الشباب اقفا ومعـه اقفـا الهـوى=العمـر لـه منتهـا ولـه زهـره

اقتباس من مشاركة معيوف ابن زهيميل (المشاركة 64227) الله الله يالعمدة على هالمداعبة ، صح لسانك والله يعطيك ألف عافية،، وافية يا وافي وأنا أنبت عني خالي نافع سهل المهيمزي تحياتي وتقديري لك

اقتباس من مشاركة ناصر الشويلعي (المشاركة 64231) صح السانك يالعمده على هذه القصيده اللي مدري وش نسميها وان شاء الله ان الخبر ياصل الشاعر العملاق سهل نافع ويقوم برد عنا على هذه الرائعه تحياتي