أمير الرومنسيه 09-04-2010 10:54 AM قالت اكتب لي قصيده تحتوي أحلى عباره   قالت اكتب لي قصيده تحتـوي أحلـى عبـاره ................................................سمها سارة على اسمي واجعل وصوفي جميله وابعد الوصف المباشر والذكي يعرف الاشاره ..............................................كل رجال(ن) فطيـن قالـوا إن قلبـه دليلـه قلت يابحر القوافـي بالشعـر فـن ومهـاره ...........................................وإن سمحت الليل ليلك عادتك تعطي الجزيلـه يالقوافي طاوعيني حضـري لعيـون سـاره ..........................................ازهمتني بنت شيخ (ن) لي ثقل حمل يشيلـه ساره اللي حسنها فتنـه يصـل حـد الاثـاره .................................................. .والاثاره في د لعها بس فـي الباقـي ثقيلـه ساره اللي لبسها حشمـه ويكسيهـا وقـاره .......................................ماخذت من موضة اهل الغرب فستان وموديله ساره اللي في الادب والعلم نالتهـا شطـاره ............................................ساره اللي تفتن العشاق برمـوش(ن) ظليلـه ساره اللي خدها بدر(ن)ٍ تعلـى فـي مـداره ...............................................وإن تبسم ثغرها براق ليـل(ن) فـي مخيلـه ياحياتي لو وصفتـك زال ليلـي مـع نهـاره .................................................. ..لا انتهيت ولاذكرت مـن الجمـال إلا قليلـه ياعذولي ماعرفته في طبوعـه فـي قـراره .................................................. ....يختلف في كل شيء واعتقـد مابـه مثيلـه ياهني عينٍ تشوفه ياهني مـن صـار جـاره .................................................. ........لاحشى مالـي بجيرتهـا لانـي مـن قبيلـه من قبيله ماتخـون الجـار وتّـدور غـراره ..................................................تكسب النامـوس والنـالات وعلـوم أصيلـه والشعر لوصار في حد الادب نقطـف ثمـاره .................................................. ...لايضيع به الحيـاء ولايجـي درب الفشيلـه انظمه نظم المحب اللي يبي يعطـي البشـاره .................................................. .يوم طال الهجر والحرمان ثـم لاقـى خليلـه إن تغزلنـا عفيفيـن ولا نرضـى الـقـذاره .................................................. .وإن هجينا نتعب المذمـوم والنفـس الذليلـه وإن مدحنا مدحنا بأهـل الزعامـه والامـاره ..................................................والرجال اللي لهـم بالطيـب مـدات طويلـه وإن رثينا مارثينـا القبـر ورمـال الزبـاره .................................................. ...نرثي الميت إذا به خيـر فـي دنيًـا مزيلـه هل فهمتي ياسوير خط شعري فـي مسـاره .................................................. ...افهميها وإن سمحتي كـل حيـاً فـي سبيلـه ماقويت فـراق خلانـي ولا قطـع الزيـاره .............................................بس وقتي وانت تدري مامعي بالوقـت حيلـه ..{ممــــــــــآ راق لــــــي}..

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.