قبيلة بني رشيد - وان جات من مسكين منطق واساليب=حطيتهـا بيـن الثـرى والنعولـي

هذا قصيده لشاعر الكبير والمعروف / لافي بن حمود الحربي .

واعجبتني كثيرآ بما تحمله هذا القصيده من حكم وعزه نفس

واتمنى ان تحوز على رضاكم . . .

يامكثرين الهرج لاسمـع ولااجيـب=تريحوا من فضلكم واسمحـوا لـي
تريحـوا لاتلحـقـون المشاهـيـب=على الردى ماني شفوقـن عجولـي
بالعقل والصبر ادب النفـس تأديـب=ولا لهـا مـدة تصـول وتجـولـي
خلجن ترازم في سيـاج المحاديـب=مافيهـن اللـي بالعقـال معقولـي
أشد واطيب زور من شمـخ النيـب=اليا ضاع مفعول الحيـل والحلولـي
أنا الياقلـت ارتـب القـول ترتيـب=حتى يجي كي (ن) على فـك قولـي
ليا ارسلت لافكار القريحـة مناديـب=ترايعن من عقـب ماهـن جفولـي
لكن مالـي مـن وراهـا مكاسيـب=ولوان عشاق القشـر صفقـوا لـي
مايستفيـد الا العـدو والاجانـيـب=ولاني مطيـع مقرقعيـن الطبولـي
خليتها تعطـي فجوجـن مجاديـب=جرباً تجود فـي رسنهـا مهبولـي
والله لاجنـب دام لـي درب تجنيـب=من شرهة حشام الرفاقـة خجولـي
لو انهـا بيـن النحـر والتلابيـب=من الحيا وجهي ماهـوب مغسولـي
طبعن لنـا نشـب عليـه ونشيـب=و طبيعتـن لعلهـا مـا تـزو لـي
على الجماعـة للجماعـة مواجيـب=إلـى جهلواقـدر الرفيـق الهتولـي
ماني على ربعي قريـب محاضيـب=ادنـاه مايخلينـي اسـرج ذلـولـي
إن جات من طيب شقاها على الطيب=لو انها أعوج مـن رقبـة الذلولـي
وان جات من مسكين منطق واساليب=حطيتهـا بيـن الثـرى والنعولـي
لاحركـت شعـرة ولاطلعـت شيـب=ولاضيقت صـدري ولاطـق جولـي
وان كان في صبري على ميلهم عيب=العيب تفتيـش الصـرر والحثولـي
لاقمت تذكر فـي رفيقـك عذاريـب=وتبيـن عيوبـه لـذولا وذولــي
صبرك على ربعك عـلاج وتطابيـب=يقصـر حبـال السالفـة لاتطولـي
حتى مايلقى في طرفهـا مقاضيـب=كـراه خيـر وللمشاكـل ميـولـي
وليا بليت بتايهـن شـره وصعيـب=يقول أنا العـراف وانـت الجهولـي
قـل الله الله ياحصـان الأطالـيـب=يالفاهـم العالـم عطيـب الفعولـي
هذا الكلام اللي مافي صحتـه ريـب=لانيـب لاحولـك ولاانتـه بحولـي
حصان وابن حصان طيب مجاذيـب=وبالمعرفة رجلـن محلـي ودولـي
خله يروح ويخطي الدرب ويصيـب=ويقول مابالناس عرضـي وطولـي
والفرق ماهـو باللحـى والاشانيـب=الفرق بين النـاس فـرق الفعولـي
كم واحدن تحسن به الظن ويخيـب=السـن يضحـك والفـواد معلولـي
واللي غدت به كلمتن مالهـا غيـب=ماهو من اطيب ربعي اللي غدوا لي
يالله عساها صيحتن في قفـا ذيـب=وقلع النيـا بينـي وبينـه يحولـي
الرجل مايغصب على الطيب تغصيب=لاصارماهـو دل ضمـن الدلـولـي
من عادة اللي طيبه يحضر ويغيـب=لاطالـت الرفقـه زهوقـن ملولـي
وليابلنـك غبـر الايـام بصحيـب=في مستوى طيبه صعـود ونزولـي
فاعرف ترى الدنيا دروس وتجاريب=والكامـل الله والنـقـا للرسـولـي
لاتصير مشـذاب يقـص العراقيـب=خله وراعـي الاولـه وش يقولـي
أخذت حكمه مـن كـلام اللواعيـب=للطيـب نـاس وللعـذارى فحولـي

وسلامتكم ’’’