قبيلة بني رشيد - للداشـر الـي مايفـارق دشيـرره الشاعرملوح الرشيدي

ياناس مهما حـس راع الغرابيـل

مأحـس بوجاعـن بقلبـي كثيـره

الليل مسرى والقصايـد مواوويـل

سريت ليلي روح روحـي خطيـره

عنيت أنا ببيات شعري من الويـل

الساق مكسـوره ويـددي كسيـره

مضاعت حقوق النساء والرجاجيـل

الرجل حقـه يأخـذه مـن جفيـره

شاعر بدااياتـه همـوم وبهاذيـل

جرب وكل انسـان يلقـى مصيـره

قلبي طلب رجلي بقطع المواصيـل

وعيني من الي صار دايم سهيـره

طويت صفحه مؤلمه بددت والحيـل

ونهيت دربي وأختصرت المسيـره

تايب والا فكـرت بالقـال والقيـل

كبيرر عقلي يالعقـوول الصغيـره

رجـوااي بالله والليـال المقابيـل

وهقواي فيكم يالسيـوف الشطيـره

هروج خلـق الله سـلام وتساهيـل

ماغيرت طبعـي وفاااحـت عبيـره

أبقاء هـذاك الـي يعـز المداخيـل

الوافي الـي مايخـوون بقصيـره

وابقاء عزيز الجاه وسط المداهيـل

وسلاح لربوعـي ونـار وذخيـره

وابقاء سند لبـوي وذراع حلحيـل

ورقاء العوال الشامخـات العسيـره

وأبقاء لمن لاحط مايقـدر إيشيـل

حمله واصير له الستـر والستيـره

وأبقاء وتبقاء خافيـات التفاصيـل

بحلـوق ناسـن ماتعـز العشيـره

داست على كل الحكـم والتماثيـل

وصار الجمـل معـاد يثـر هديـره

كتبتهـا قصـه تززيـد المهاابيـل

أهبال فوق أهبـال قصـه شهيـره

عن ماضي الفنجال واحلاء الفناجيل

هاك الزمان الـي يـداوي ضريـره

ارمي جمر ناري على مدرج السيـل

يطفي ولكن تشتعـل بـي سعيـره

اسكت ودمعي فوق خددي هماليـل

الله واكبـر يالعـيـون البصـيـره

احاول ارقاء واعتلي نجمة سهيـل

واترك هذاك الي قعد فـي هجيـره

دام الضعوف تخاف مسك المصاقيل

اباء اختصرها والكبيـره صغيـره

معاد يمـدددي للفهـم والتحاليـل

الناس عاعشت في زمنها شريـره

أخذوو جزيل افكار سنيدهـا ميـل

يمكن تكون الشلف ماهي شطيـره

وخلوو دلال المرجلـه كلهـا هيـل

وعطوني العلـم الاكيـد ونظيـرره

واستبشروني حلم فارس عسف خيل

يأمن لهم مبـداء النهايـه بشيـره

معي اصددقو لله من غيـر تضليـل

وان نحنت رؤس الرجاجيل خيـره

مافيه شي الا ااايجي فيـه تعديـل

قصدي بأن [الطيب] غير مسسيـره

لون القصيده لوون يفرقه تشكيـل

أملاء خطاه اصبح صحيحه نذيـره

أخـرر قصيـدي قلتهـا بالغرابيـل

مظمـون معناهـا ليالـي مريـره

أختامهـا منـي تحيـه ووتقبيـل

للداشـر الـي مايفـارق دشيـرره