لامـن مشـت فـي يـدهـا تـرفـع الـثـوب
كــلٍ ينـاديـهـا وهـــي تـقــول مـابــي
مــن الـدلـع سميتـهـا شيـخـة الـعــوب
حـتـى دلعـهـا منـحـنـي لـــه عـجـابـي
مركوبـهـا مـاهــوب أيـــات مـركــوب
مـــن مـــر قـدامــي تـلـنــه ركــابــي
لحقتـهـا والـهـرج زاهـــب ومـكـتـوب
لأي مـوقــف كـنــت عـامــل حـسـابـي
قـلـت الـسـلام وردت بـأيـش مـطـلـوب
قـلـت الخـفـوق بخـفـت الـــدم ذابـــي
قالـت وش اللـي حـدك لـنـاري تــذوب
قـلــت المـشـاعـر ماعلـيـهـا عـتـابــي
قـالـت تمـثـل دور عـاشــق ومـحـبـوب
قـلــت الحقـيـقـه افـتـديــك بـشـبـابـي
قالـت اخـيـر الـحـب نـاهـب ومنـهـوب
قـلـت انهبيـنـي قـبـل لانـقـل صـوابـي
قالـت متـى تكبـر عــن الـحـب وتــوب
قلـت الخبـل مـن شـاف زيـنـك وتـابـي
قـالـت صـراحـه ماتوقـعـتـك سـلــوب
قلـت افهـم انـك معجـبـه فــي جـوابـي
فجأه عرض لي واحـدٍ عرضـت خـروب
سـلـم عـلـي وخـاطـر الـبـنـت طـابــي
جاني مطفـي ضـارب فيـاض وشطـوب
ومــن قــو عـيـنـه قـــال يامرحـبـابـي
واخذ يسولـف لـي وانـا فيـه مغصـوب
يسـئـل عــن احـوالـي وسـبـة غيـابـي
مايـدري انـه بعرضـتـه كـسـر قـلـوب
لا واعــذابــي مــنـــه لا واعــذابـــي
رقـد علـى كبـدي وانـا بوقـت محسـوب
البنـت راحــت والـرجـى مـنـه خـابـي
وقـفـت عـاجـز كـنـي انـسـان مغـلـوب
مــن قــرد حـظـي كــل هــذا جـرابـي
اتــلا عهـدهـا تلتـفـت لـفـت رعـبـوب
مالله كتـبـهـا قـسـمـةٍ فــــي كـتـابــي
اقـفـت تمـشـى فــي مـسـافـات ودروب
قلـبـي يناديـهـا وهــي تـقــول مـابــي
مرت وعدت
آمـنــت ان الـحــي بـيـقـابـل الــحــي
مــن صـدفـةٍ لـلـدرب هــذا جرفـتـنـي
امشـي بفالـي صدفـةٍ مـا ابـي شــي
فجأه عرضت لـي شفتهـا وطوفتنـي
مــرت وعــدت كنـهـا مـاهـي بـهــي
ماكـنـهـا يـاخــوك يـــوم عـرفـتـنـي
عطيتـهـا حــب وغــلا وقـصـرت بــي
اوفيتـهـا بــس لـلاسـف مــا وفتـنـي
كانـت اليـا ضاقـت تجـي كلهـا لــي
نـســت عـطــاي وطيـبـتـي لالفـتـنـي
ماكـن لـي فيهـا غـلا لـو هـو شــوي
ولكـنـهـا بـســود اللـيـالـي جـفـتـنـي
وقفـت اطالـع منجـرح منكـوي كـي
ساعـه بمكانـي منصـدم وقفتـنـي !!!
بغيـت اجيـهـا وصـدهـا كـتّـف ايــدي
تبـي الصـراحـه يـاولـد خوفتـنـي !!!!!
خايف اجيها تقـول لـي وشتبـي فـي
.؟؟ولا تسوي نفسها ماعرفتني !!!!!!
هبيلة نوف
تعال نلعب علـى المكشـوف∑∑∑ما يصلـح اللعـب بالخافـي
البخل يا صاحبـي والخـوف∑∑∑ لاجـــن بـرجــال ينـعـافـي
الرجل... ودك صخي كفـوف∑∑∑ دام الـكـرم شيـمـة الـوافـي
الرجـل... اليالفـوه ضـيـوف∑∑∑ مـا يطـرد الضيـف واللافـي
لو كل رجل اعتـذر بظـروف∑∑∑ ما شفت لـك واحـد سنافـي
الجود من ما وجـد مصـروف∑∑∑ واللي انوجـد قدمـه كافـي
اتعب على مكسب المعروف∑∑∑ مع ذكـرك الطيـب ينضافـي
ولا صرت حق غايتك ملهوف∑∑∑ ما يجوز تصعد على كتافي
الفرصـة اللـي عليـك تطـوف∑∑∑ لا ترتجـي يـعـود ماطـافـي
تحمـد الله عـطـاك وصــوف∑∑∑ يستاهـل الحـمـد بسـرافـي
تسمع، تكلم، تحس، تشوف∑∑∑ تمشي مع النـاس متعافـي
اتـرك هـوا لابـس النفـنـوف∑∑∑ أبـو جديـل اشـقـر ضـافـي
لـو ان بـس الجمـال اردوف∑∑∑ يا كثـر مـن حضنهـا دافـي
لاشـك يفـرق جمـال الجـوف∑∑∑ ويا قـل مـن قلبهـا صافـي
العشق خلي «هبيلـة نـوف»∑∑∑ يمشي وراهـا وهـو حافـي
والمشكلـة طيـب ومـعـروف∑∑∑ مير الغلا... جابة اكتاااافي
تومي بيدها
الله واكــبــر يـاهــذيــك الـمـواعـيــد‡‡‡ايـــام مـاكـانـت تـحـاتـي وعـدهــا
مـن قـبـل لا تكـثـر عليـهـا المناقـيـد‡‡‡وتلبـس خطايـاهـا عـبـاه لجسـدهـا
الـعـام كـانـت حـلـم لـيـل الصـنـاديـد‡‡‡مـن الحيـا ماتجـاوب الـلـي نشـدهـا
واليـوم صـارت تصنـع لكيدهـا كـيـد‡‡‡تعـلـمـت وشــلــون تـتـقــن نـكـدهــا
تومـي بيدهـا لواحـدن واقــف بعـيـد‡‡‡تحسبني ازعل يـوم تومـي بيدهـا !!!
مـاتـدري ان فـراقـهـا كـنــه الـعـيـد‡‡‡مـانـي بمـيـت مــن غـلاهـا بـعـدهـا
القلـب لـو شـوقـه بـعـد غـابـت يـزيـد‡‡‡ذبحـت قلبـي فـي يـدي لــو فقـدهـا
ماعـادهـا كـفـو السـهـر والتناهـيـد‡‡‡مـدامـهـا خـانــت مـبــادي عـهـدهـا
قولولـهـا وانكانـهـا شـيـخـة الـغـيـد‡‡‡تستـر عــن عـيـون المنـاظـر نهـدهـا
وانكـان اصبـح عذرهـا حـب تجـديـد‡‡‡مـع موظـةٍ يـخـذل مطـرهـا رعـدهـا
لا والله الا زادة حـــبـــارة الــصــيــد‡‡‡وطـيــور مـاهــدة بيـكثر هددها
الـعـلـم بـيّــن مـايـبــي زود تـأكـيــد‡‡‡واضح وضوح الشمس للـي شهدهـا
الشمـس تطلـع شـرق يـوم الله يـريـد‡‡‡حكمـه مـن الله ماطلعـة مـن وحدهـا
الله أمـرهـا تـنــور الـكــون تـحـديـد‡‡‡وبعض البشر مع كل هذا تعبدها !!!!
يعني خلاصـة هالحكـي والتشاهيـد‡‡‡قولولـهـا مــن قـبـل تفـقـد رشـدهــا
انكـانـهـا مشـتـاقـه لـواحــد بـعـيــد‡‡‡تروح له .. ماهوب تومـي بيدهـا !!!!
حبيبة صاحبي
يابنت هـذا صاحبـي واقـرب النـاس
تبيـن اخونـه بـكـل بسـاطـه عشـانـك
والله لــو انــك خلقـتـي مــن الـمـاس
وصرتـي بعيـن الكـل شيخـة زمـانـك
ان صاحبي يبقا مكانه علـى الـراس
وانتـي حبيبـة صاحبـي فـي مكانـك
وشلون ابادلك المشاعر والاحسـاس
واسـرق مـن ايديـنـه غــلاك وحنـانـك
وانا ادري ان حبـك بقلبـه بـلا قيـاس
وانتـي تخونـيـن الـوفـا يــوم صـانـك
تخيّـلـي انــك مكـانـه عـلـى ســاس
مـع اقـرب انسانـه غـدربـك وخـانـك
يسهـر معاهـا طـاردن نـوم ونعـاس
في منظـرن لـو صـار زعـزع كيانـك
شفتي شلون ان موقفك حيل حساس
شفـتـي شـلـون انــه قلـيـلـن امـانــك
مثل الكبير اللي صغـر حيـل وانـداس
انتـي نزلتـي مــن حتـرامـك وهـانـك
لكـن انـا ببقـا وفــي لـقـرب الـنـاس
مانـي بخايـن فـي رفيقـي عشـانـك
كرهتك ومليت
زهقـت انــا مـنـك كرهـتـك وملـيـت
تعبـت مــن شـكـك وكـثـرة ظنـونـك
من كثـرة اسئلتـك احـس استجنيـت
ياخـي دخـيـل الله ذبحـنـي جنـونـك
مليون مره انـت فـي حقـي اخطيـت
لـو غبـت ساعـه تفكـر انـي اخونـك
وانـــا ولا مـــره خـذلـتــك وزلــيــت
تخيّـل انــي بــس عـايـش اصـونـك
عيني تصير ان ضقت من بيتك البيت
وقلبي يصير الكـون لاضـاق كونـك
والـلـي صدمـنـي لا بغيـتـك تخلـيـت
وانا الـذي لاضقـت واحتجـت عونـك
تقـول لـو تطلـب عيونـي لـك اعطيـت
وش فايدة شوفي حبيبي بدونك .؟
وطلبـت منـك شـي عـادي وصـديـت
وشلون لو انـي طلبتـك عيونـك ؟؟؟
