البارحة منصاب من عده اسباب=مطعون غدر وبالظهر شف صوابة
جرحي عميقا من سبايبك ياذياب=من كلمتآ قد قلتها بالخطابة
يومك تروح لدار حامين الاجناب=ديار جابر والفخر والمهابة
ترى المره عوجا ولوتستر الباب=تنكيد دايم ثم كره القرابة
اولهم امك كانها فية ترتاب=تقول امك ناهبتني نهابة
واخوك دامه جالسا عندك يجاب=ذكره تقول اخوك ماله حبابة
اباخذ الراحة بلبسي وابجتاب=بالبيت وحدي كنها وسط غابة
اليا اطلبت قلت الاوامر بتنجاب=واليا زعلت شنت عليك الحرابة
ياذياب كانك تستمع له بتنصاب=بالوسوسة والهلوسة والكآبة
وكانك تقول ان المرة تستر ارقاب=انا اشهد انك ضايعا بالخرابة
في ذمتي مانته بخالي ولاطاب=نومي بعد ماشفت منك السبابة
انا ترى ذيبا على راس مرقاب=اقنب عزيز النفس قدر ومهابة
ولدا لشيخ شيوخ تشهد له اشناب=ملفي ابوي اللي عزيزآ جنابة
بالله قلي لية ماعندك اصحاب=قلي وعقلك منهو اللي سطابة
ازعلت امك مع خواتك والاقراب=وارضيت منهو يلدغك راس نابة
هذي تحياتي مع باقة اعجاب=ياناسيا ربة ولاهو انابة
هذي تحياتي مع باقة اعجاب=يامخالفا نهج النبي والصحابة
هذي تحياتي مع باقة اعجاب=ياهاجرا بيت الحرم مع رحابة
هذي تحياتي مع باقة اعجاب=يالمجتهد بالمعصية من شبابة
هذي تحياتي مع باقة اعجاب=يامبكي امة في زمان الغرابة
هذي تحياتي مع باقة اعجاب=يامدور الزلة على من وفابة
هذي تحياتي مع باقة اعجاب=مني وانا ذيبا يهين الذيابة