قبيلة بني رشيد - ﺣﺳﺂﻓﻪ ﻟﻮ ﺗﻤﻮﺕ ﻭﻣﺎ ﺗﻼﻗﻲ ﻭﺁﻓﻲ ﻳﻧﻌﺂﻙ

وحيد يشعلك هذا الحزن .. من أولك لأقصاك/
ولا يشعربـ نارك كل من يدفى على مصابك!

يحيركالدجى.. مابين تغريدك وبين بكاك،
شعور غامض.. لا شبّت النجمات ينتابك .

تأمل كل مابك .. منغلق لو تفتح الشباك!
تأمل كل مابك .. مكتئب لو ترخي أعصابك،

سكوتك قبر صوتك.. والسما مقصورة لمناك..
تبي تتجاوز الدنيا .. ومالك غير مشعابك!

تفتش.. باللغة عن مفردة تتناسب ومغناك،
تدوّر بالسما عن غيمة.. تحنو على ترابك.

وش الغربة؟سوى شعور يقول: إن الجسد منفاك!
وش الحيرة؟سوى إنك .. يومتسأل كيف تحيا بك !

رغم كل السحاب الليتمني وماقدر يرقاك،
ياليت إن الأفقممكن .. يحس بـ وحشة عقابك!

كثير من الوفا.. ماهو سبب حتى تقل عداك..
وقليل من الذهب يكفي.. لجل تتكاثر أحبابك !

ترى أصحابك قليل إحذر يغرك كثرهم ويّاك،
تراك بـ أي لحظة ممكن إنك تخسر أحبابك.

يأس منك الطريق اللي تعوّد يصغيلممشاك !
يأس منك الرفيق اللي.. عجز لا يفهم عتابك .

يأس منك النهار اللي شهد[ ياما] إرتباك خطاك/
يأس منك الظلام اللي جلس[ ياما] علىأهدابك!

ملايكتك تحدّك تغفر لهذا الزمنما جاك..
وشياطينك تحدّك .. تبرز لهذا الزمن نابك!!

تأكد لو هي بتحسم جنون المعركة شلفاك:
ترى هالناي .. ماله أي قيمة عند مخلابك.

محمد .. لا تسافر للزمان المظلم الفتّاك،
محمد.. لا تمزّق قبل تحيا عيدك ثيابك!

محمد.. ما مداني أطلع العالم على معناك /
محمد .. تو عناقيدك تحاولتلفظ أعنابك.

وحيد تنثرك صحرا قريش ويجمعك مولاك،
ويتوجك .. الإمام المعتكف وحدك بمحرابك !

حرام إنك تفارني تقول إن الحياة هناك..
حرام إنك تبرر بالنهاية.. طعنة غيابك!

حرام إنك تكسر كل حلم صاغته يمناك..
حرام اللي بنيته ينهدم عاليه .. بأسبابك .

حسافه لو تموت وماتلاقي وافي ينعاك،
على مرأى من عيون الخلايق يسقط شهابك!

حسافه لو تموت وكل شخص يدلهك ينساك!
ولو كان بحياتك كل شخص يحسب حسابك..

تموت ولا خليلة تنثر الدمعات فيفرقاك..
تموت ولا خليفة .. يكمل الباقي من كتابك !

رقيت الغيم لين اعتدت صولاتك وراالأفلاك،
نزلت الأرض لين أدركت.. بأن الطين أولا بك!

بعد ما كنت تشعر كل هذا المال ما كفاك/
رغم أنفك بترضى كل هذا الدود يرعى بك .

تحس إن القضى قد له ليال يدور حولحماك ..
قرب موعد خريفك قبل لاهي تنبتأعشابك!

على نغمات موسيقى حزينة تندثرذكراك،
ومصير أسود متلهف يوقف علىبابك..

قبل لا توصل لذيك المدينة تنتهيدنياك:
وعادك بـ أول الصحرا.. حرام تنوخ ركابك!

الشاعر: محمد المرزوقي